月供$3,500 平穩增長及潛力股 5隻有質素股票 可隨時入手|龔成信箱

月供$3,500 平穩增長及潛力股 5隻有質素股票 可隨時入手|龔成信箱

【潛力股】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括投資回報率、收息股、月供股票、賭業股、潛力股,以及證券行等提問。

撰文:龔成 |圖片:新傳媒資料庫、unsplash

1.平穩增長

老師想問我月供$3500
2800 $1500
3/66/823 $1000
1211 $1000

我26歲,目的係買平穩增長及潛力股,呢個組合可以嗎?

如果去到股市大跌/熊三,股價大跌變得便宜,我想加大每個月供組合金額到5000-6000,請問意見如何?

另外一個問題,若升職加人工,每個月可以儲更多錢,我立刻將下期每月供金額加大,例如加1-3k,月供買多一兩隻優質股,老師認同這做法嗎?

又或者,如果我月供選擇之中選0012 恆基地產取代0003 媒氣,感覺恆地長遠增長力較媒氣好,老師你有何意見?

 

龔成老師:

你上述的組合可以呀,當中都是有質素的股票,基本上已經可以開始,現時大市處於合理水平,你用這金額可以的。如果大市大跌至更平宜的水平,你可以加大月供的金額至$5000、$6000,策略上是正確的。

如果你加人工,以現時的大市平貴水平,可以加一半落去月供股,例如你加$2000人工,月供就加多$1000。

恆基(0012)同煤氣(0003)都是優質股,都可以月供的,恆基有農地的潛力,而煤氣有國內市場的增長力,都是利好的,都適合月供。你取代都可以。

(對照龔成信箱:Q7984)

 

2.俊盟國際(8062)

龔sir,8062算唔算潛力股?

 

龔成老師:

俊盟國際(8062)主要係香港從事提供電子支付終端方案,即係包括電子支付終端機,以及周邊設備採購與安裝。亦有做電子支付終端軟件開發、維修與維護服務等。

行業是有潛力的,同時佢近年的生意都有增長,所以潛力都有的。

但要留意,佢規模細,盈利不穩,加上無一個好獨特的優勢,這會令佢的生意變得好快,可說是有危有機。投資這類股不能太大注。

(對照龔成信箱:Q7983)

3.AI

阿sir, 想問下你點睇AI 取代股票分析師呢個說法呢?

 

龔成老師:

會取代部分的分析師,但只能取代分析數據那部分,就我自己分析一隻股票來說。我買股票就是買企業,我會睇某些財務數據(這部分正是能取代的),但同時,我會睇品牌、產品、行業、管理層、業務、獨特性等,好多較難量化的資料,這是無法取代人類的。

不過,坊間有些所謂的分析師,只會簡單睇數據,甚至睇圖分析,這些人有可能被取代。

(對照龔成信箱:Q7985)

4.優質股

成哥。見你之前有講吉利汔車,這都是優質股,但我之前聽你講比亞迪都優質。

如果我想買,其實邊個較優質及潛力更高?

 

龔成老師:

兩個都有質素的,同時兩個的潛力都不差。

吉利(0175)不止在國內的品牌很好,近年仲入股海外汽車巨企戴姆勒,成為最大股東,呢個除有利提升佢國內的車型外,長遠仲有助佢打入海外市場。所以長期增長力仍在。

至於比亞迪(1211),電動車則係佢的強項,中國政府都支持這行業發展,加上比亞迪是龍頭,同埋野心好大,所以長遠的潛力好高。

其實兩隻都可投資,而我會偏向比亞迪多少少。

(對照龔成信箱:Q7986)

月供 平穩增長 潛力股 股票 龔成信箱
3

5.證券行

成哥,月供股票經銀行做定係證券行較好?謝謝!

 

龔成老師:

一般來講,銀行的手續費會較貴,當然,不同銀行都有不同收費,有d銀行逐隻每月收$50,如果同時供幾隻,月供就會用左好多成本。

至於證券行,就唔係間間有得做月供。

另外,有d銀行的可提供月供股票的數量會較多,有啲則較少,你都要比較下。

而銀行及證券行,其實都很穩健的,香港的監管不差,如果你擔心,就選銀行或較大型的證券行。

(對照龔成信箱:Q7987)

6.收息股

你好,龔成老師

我女友在銀行工作, 可用員工計劃做95%按揭,年利率0.75%-1.5%。

假設每月供款過到銀行內部規則(供樓不可過收入6成), 用員工計劃按95%出來, 扣除所有其他費用(包括還清自身的債),預計可拿到$280萬現金,由於供樓的利息好低,所以打算買一些極低風險的股票賺息差。

請問老師認為計劃可行嗎?

$280萬該如何分配股票組合?謝謝!

 

龔成老師:

方向是正確的。

因為按息不高,這可以賺到息差,但你地都要明白,這一定會增加左你地的風險,不過如果你地年輕,而又明白這風險,都可以進行。

你可以將資金投資收息股,建立一個收息股的組合,目標是5%的股息。你可以憑這方法賺到息差,因為你地有銀行員工優勢,所以就算將來加息,對你地的影響應不大。

至於當中的風險,就是賺息蝕價,如果你買入的股票股價下跌,就會得不償失。不過,只要是優質股,長期下跌的風險不高,但中短期亦必然有上落。

(對照龔成信箱:Q7988)

7.現金與股票比例

老師,一個人的資產若只有現金和股票
兩者既分布比例幾多先至理想?

 

龔成老師:

現金與股票的比例,要睇這個人的風險承受程度,以及市況決定。

現金是防守工具,因此首先要睇佢本身的收入穩定性、負擔等因素,因此一定要有一些基本的現金。至於整個財富的比例,往往要睇市況,如果市況差,即是股票好平,咁可以9成股票,如果市況合理,例如現時就是,可以5成-7成股票。如果市況好好,就應該減持股票,可能現金的比例會在5成以上。

(對照龔成信箱:Q7989)

8.潛力股

龔sir,你所講潛力股較大風險,波動性較大,真係好正確!

因為一些因素,有機會要下調其合理價值,要認對這情況,應該係買入時要求更大的安全邊際,如30%安全邊際先開始分注買入,因為可能下次估值時,有機會下調內在價值,可能由有30%安全邊際,變成只是合理價,你認同嗎?

謝謝!

 

龔成老師:

對呀。潛力股由於業務存有不確定性,所以一定存有風險,所以我地會在兩方面著手,去應對這風險。

第一,股價上有一定的安全邊際,即是我所講的平宜/合理/昂貴,最好在平宜價買入,這就能有一定的安全邊際。當然,在合理價都可以投資,但相對地安全邊際就未必有,所以要以分注為投資策略。

第二,控制投資金額,由於是潛力股,風險較高,可投資的金額,將會比一般的優質股為少。這已經能做到風險管理的策略。

(對照龔成信箱:Q7990)

9.賭業股

龔sir, 最近賭業股瘋狂下跌,好多大行吹淡賭業,我知道你持有大量金沙中國股票,所以想聽下你點睇賭業現在同將來既發展,我自己認為金沙既基本因素無變,所以在33蚊增持左,打算再跌1成再增持,你認同我的舉動嗎?

因我仍是投資新手,故在低位增持仍然有點懷疑自己,所以想聽聽你既意見,對於金沙發銀娛,你認為那個較佳?同時買晒兩個分散賭業風險

 

龔成老師:

我地最重要的,是睇企業的本質,如果佢長期的質素無變,基本上中短期唔洗理會。賭業長期仍然正面,可能中短期比之前預期的收入減少,但不用太著緊,只要你是長期投資就得。

金沙(1928)的質素無變,你$33是合理價,如果落到$30以下,更是進入平宜區,可以加注。所以你的策略無問題。

一般散戶投資股票,都好易比股價影響,你最緊要學懂,不理中短期股價,理性、冷靜面對。

銀娛(0027)都是有質素的股票,同金沙一樣,都可投資。銀娛潛力較高,金沙就較穩健,股息亦較高。所以,要睇你的投資目標。

(對照龔成信箱:Q7991)

10.投資回報率

老師,你話盈富的投資回報率10%-15%。其實咁樣投資,3年後計埋通漲好似又吾系賺好多。

如果我系想用股票盈利儲首期再買樓 呢個投資組合系咪回報吾系太理想呀?

 

龔成老師:

10%是一個合理的回報,你可以追求更高的回報,但就要有一定的投資技巧,你要有選股、企業估值、把握投資時機的能力,你這樣就能提高風險,我都希望你能提高,但就要經過學習,所以我強調投資知識的重要。

若果在未足份掌握投資知識前就盲目追求高風險高回報的投資項目,將會得不償失,所以我寧願你賺少一點。

(對照龔成信箱:Q7992)

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

延伸閱讀:

想行穩健路線每年收10厘回報 靠增值類資產 財富累積夠快

穩健路線 回報 增值類 財富累積 龔成信箱

55歲夫妻想要每年6%回報 5個步驟有助平衡投資風險

債券 回報 投資風險 龔成信箱