【網民熱話】譚仔阿姐都搵$15,000 網民:買唔到樓真係要自己檢討下

【網民熱話】譚仔阿姐都搵$15,000 網民:買唔到樓真係要自己檢討下

網民熱話】有最新統計調查指,資訊科技成去年薪酬增幅最高行業,達6.2%,資訊科技畢業生起薪點增至由1.6萬元起。不過,近日則有網民出Post指自己去食譚仔看見招聘請人,原來最低職位譚仔阿姐人工都有$15,000,並認為買唔起樓是「廢青」!

撰文:浩德  | 圖片:新傳媒資料室、討論區截圖|資料來源:香港討論區

譚仔阿姐人工都$15,000

人人都想上車,但唔係人人都上到車。去年股市開始動盪,加上中美貿易戰影響,股市樓市不穩。

雖然農曆年過後有說樓市現正出現「小陽春」,但有新高交易的同時,亦繼續有劈價個案。

有網民就以「譚仔呀姐人工都$15,000,班癈青仲話買唔起樓」為題開帖發文,指近日發現譚仔招聘最低職位阿姐嘅人工都有$15,000,認為「廢青」聲稱買唔到樓係因為唔努力、唔儲錢!並認為只要肯努力,要上車一啲都唔難!

網民熱話, 網民, 譚仔阿姐, 人工, 廢青, 買樓, 上車, 壓力測試
圖片:新傳媒資料室

男女友都做譚仔 已月入$30,000

樓主指:「假設男女友都做譚仔,已經月入$30,000 ,認真儲錢,一個月共儲$18,000一年已經儲到22萬

儲三年已經有66萬存款,夠曬比首期買上車盤有凸

反觀嗰班死廢青,冇能力,又唔努力,又唔儲錢,就喺度埋怨政府唔送層樓比佢哋

400萬至600萬樓睇唔上眼,1,000萬樓先睇得上眼 就好似唔揸日本車,死都要揸法拉利

網民熱話, 網民, 譚仔阿姐, 人工, 廢青, 買樓, 上車, 壓力測試

一年去四五次旅行,日日飲$40喜茶,間中的士出入,放工就去酒吧摸酒杯底,生日要送份一萬蚊禮物比(俾)自己

分分鐘連佢哋老細都冇咁大洗(使)威水囉,巴閉囉,抵死你班死廢青

個垃圾政府又係無能,起咁多公屋比班新移民,多公屋=少私樓=私樓貴   多公屋=私樓業主要出錢補貼俾班公屋仔」

網民熱話, 網民, 譚仔阿姐, 人工, 廢青, 買樓, 上車, 壓力測試
圖片:新傳媒資料室

網民:買唔到樓真係要自己檢討下

部分網民同意樓主說法,認為「廢青」只顧享樂,不努力儲錢,買不起樓唔應該怨天尤人,因買唔到樓「絕對係自己問題」!

「就算唔做飲食咁辛苦,求其搵份$15000文職 hea 工也不難,人工高先難」

「其實後生仔正正常常做幾年,人工到二萬蚊好平常   情侶一齊夾錢買樓真係易過借火」

「買唔到樓真係要自己檢討下」

網民熱話, 網民, 譚仔阿姐, 人工, 廢青, 買樓, 上車, 壓力測試

難過銀行貸款壓力測試

亦有部分網民比較貼地,指出若「現實搵2人合共搵$30,000 一早鎖定資助房屋」

更有心水清網友指,若根據樓主的前設,「首先你要有條女!第二係你唔洗交租或租版間房或有供屋住!

第三做衰仔唔俾家用!」否則,正常根本沒可能可以月儲到$18,000,而且也有多位網民提到,以兩人月入只有3萬的入息,很難過得銀行貸款的壓力測試。

「66萬有什麼上車盤?有計過之後要月供多少嗎兩個人月使$12,000!?一定不用交家用或者租樓的」

「你未計通脹同壓力測試,五後後收入會有幾多升幅?壓測過唔過到有無計過?

兩人合共月儲18000唔係有問題,不過學你講用加法增長絕對追唔上未來通脹率,三年太拉車邊」

網民熱話, 網民, 譚仔阿姐, 人工, 廢青, 買樓, 上車, 壓力測試

對於網民的質疑,樓主以置業貸款計程算的計算結果來引證儲到66萬是可以買到400萬的樓。

更指「大把朋友400萬上車,都唔使66萬」並指壓力測試或真有機會不過,但「只計基本雜費點會唔夠」,堅持己見。

最後有網民直言,「若然負擔得起又不需節衣縮食,可以擁有屬於自己的地方當然是最好的選擇,問題是15,000的人工,勉強去供樓又是不是合適呢?」

網民熱話, 網民, 譚仔阿姐, 人工, 廢青, 買樓, 上車, 壓力測試

相關文章