月供股票

【網民熱話】24歲靠月供股票儲60萬元 股息夠一年去3次亞洲旅行

社會熱話

廣告

網民熱話・月供股票】近年出現許多「月光族」,多數為年輕人,因常常消費、購物、與朋友消閒,沒有太多剩下的錢可以用作儲蓄。每個月只想著用多少錢去消費,但就沒有為將來做好準備。最近竟然有網民年僅24歲,聲稱無父幹,憑月供股票儲近$60萬!

撰文:麗爾|圖片:新傳媒資料庫、unsplash

利申無父幹嘅事主上月有提到24歲儲近53萬,今個月股票大升嘅關係,已升至近60萬!事主現職點心師,月入22k。每月俾$6,000家用,同朋友娛樂交通洗費約$2,500。公司早、午任食,所以飯錢唔洗出。

另外保險費$1,000, 月供股票$10,000(當儲錢), MPF $1,100。每月仲餘下$1,400做後備。
事主表示之前月供工行、煤氣,現在則全數工行。

對於事主勵志嘅故事,網民紛紛提出不同問題想請教事主。

網民提問:如果開始供,供咩好?煤氣?中電?港鐵?

事主回答:隻隻依加都高位,唔供住,寧願擇銀行股

網民提問:咁依家有返幾個錢,會唔會讀返個 Part time degree 增值自己?

事主回答:其實做左呢行都幾耐下,打算日後開店,或者keep住做呢行 收息過世

網民提問:有無炒股?

事主回答:有阿,以前市場氣氛好抽新股隻隻都贏咁制,如:毛記葵涌,賓仕國際等。
前排仲有玩2隻 莊家股(東江化工,德斯控股) 都汁左少少咁。
依加都仲玩緊其他,不過少注,輸都唔會咁傷嘛。

 

網民提問:60萬當你4%息 點可以去2-3次旅行

事主回答:唔計股價增長,約4至5%,即是24000至30000股息,我去亞洲旅行 如台灣 泰國
韓國 大陸 ,錢多定少,睇你點洗㗎啫

網民提問: 介唔介意講下你股票分佈
30% 工行
咁剩低 70% 揀咗邊幾隻

事主回答:鐵塔 紫金 煤氣 工行 富力,仲有兩,三隻莊家股。

網民提問: 用咩平台買股票
事主回答:中銀
網民提問:我供緊2890同823,樓主點睇
事主回答:2890呢隻未接觸過,唔清楚。
823基本日日創新高咁制,我覺得現價供好貴,同煤氣一樣咁貴。