網民熱話, 慳錢, 理財, 開源節流, 網民, 討論區, 慳到盡, 節儉, 健康, 交通, 食飯

【網民熱話】地獄版慳錢法 食頹飯唔買衫 「為慳水費去體育館沖涼」

社會熱話

廣告

網民熱話】提起理財,不少人都認同「開源節流」是很重要。近日有網民在討論區以「一人一個慳到盡怪癖」為題發文,該帖文掀起了熱烈討論,到底「慳錢慳到盡」的節流方法是甚麼?

撰文:Smart ED編輯部|圖片:PhotoAC、電視截圖、討論區截圖

重用荷葉飯的荷葉

樓主提到,其母親會把蒸完荷葉飯的荷葉曬乾,留待下次使用。

不過樓主直言,這些重用的荷葉會「冇乜味」及「穿哂窿」,而且一塊荷葉的售價為4至5元。

不少網民都積極回應及舉例「慳到盡」的做法,當中可以分為衣、食、行及其他等的範疇。

網民熱話, 慳錢, 理財, 開源節流, 網民, 討論區, 慳到盡, 節儉, 健康, 交通, 食飯
圖片:電視截圖

為慳錢而不買新衣?

衣著方面,原來不少人都以少買衣服來節流。有網民指,「衫褲唔著到穿窿都唔會丟」、「D 衫著十幾年,高中著到依家」,亦有人表示自己已經8年沒有買過新衣。

對於一些已經鬆了、爛了的衣服,網民亦會將其橡筋、鈕扣保留,物盡其用。

新衫等U記$39件先買,過時褲款$100條,8年冇買過冬天衫/褸,冇長䄂衫,最新個件褸係2年返時裝鋪pt公司送既(當係制服)

圖片:電視截圖

食少餐甚至唔食

至於「食」的方面,網民為了慳錢,除了會選擇便宜的食材、飯盒,有人甚至會「返夜帶飯」、少吃一餐、將兩餐合為一餐等。

唔食早餐,每日起碼慳30蚊,夜晚返屋企食飯,又慳50蚊,一個月至少儲多2,3000

圖片:討論區截圖有網民指,其母親煮完咖哩的菜式之後,會保留咖哩汁,留待下次煮咖哩魚蛋之用,這個動作會重覆7至8次,長達1個月,最後煮至1碗咖哩汁。

我個飯盒隨身袋住,同朋友食飯,食淨會放入飯盒,第二日當lunch

圖片:PhotoAC

行多步代替坐車

至於「行」— 交通上,很多人都會以步行代替坐車,選擇便宜的交通工具代步。

但「用長者八達通搭車」、「夜收工有得claim的士錢 會call 85的去賺個15%」、「喺火車站企到七點十三分先出閘有七五折」等做法相信是非常罕見。

上巴士扮搵銀包,之後搵左幾個站,同司機講唔記得帶落返車

圖片:討論區截圖

為「慳到盡」 可以去到幾盡

人們為求「慳到盡」,在其他方面都會盡量少花錢。網民紛紛舉例慳錢例子,例如是不申請數據上網,減少使用紙巾,甚至是為「慳水費」而去體育館洗澡。

搭飛機為咗慳錢買最平嗰款機票(包一件行李),去到duty free店攞10個8個膠袋裝自己野,搞到上機前被地勤鬧

 

網民熱話, 慳錢, 理財, 開源節流, 網民, 討論區, 慳到盡, 節儉, 健康, 交通, 食飯
圖片:討論區截圖

圖片:討論區截圖

應慳則慳最重要!

不少人為「慳錢」扭盡六壬,但有網民卻質疑,這樣做可以省到多少錢,認為投資更為重要。

另外,亦有網民認為,節儉是件好事,但為慳錢而影響健康就絕不值得,所以大家應該「應慳則慳」。

應慳則慳,食一定唔可以慳,一日3餐同埋唔食杯麵頹飯個啲,慳埋都唔夠你第時胃病睇醫生

網民熱話, 慳錢, 理財, 開源節流, 網民, 討論區, 慳到盡, 節儉, 健康, 交通, 食飯
圖片:電視截圖
網民熱話, 慳錢, 理財, 開源節流, 網民, 討論區, 慳到盡, 節儉, 健康, 交通, 食飯
圖片:PhotoAC