【網民熱話】返新工壓力大到想喊要求醫 「咁辛苦為咩 全港得一份工?!」

【網民熱話】返新工壓力大到想喊要求醫 「咁辛苦為咩 全港得一份工?!」

網民熱話・返新工】返工遇到好同事簡直係千萬分之一嘅機會,討論區有人表示自己返新工好唔開心,心跳重越來越快,嚴重到要求醫。諗到自己只係返咗一個月,唔想咁快就辭職。但上司好挑剔又覺得自己唔多掂,做咩都有問題。現時份工做好多之前未做過嘅嘢,日日俾上司人突擊問問題好大壓力。自己未有勇氣辭職,準備想買樓但因為工作唔穩,按揭未必批。

撰文:麗爾|圖片:電視截圖

另有網民分享自己過來人經驗,試過返工壓力大到落樓下停車場喊,雖然身為大男人喺度喊但唔覺得可恥,因為壓力真係會爆煲,試過嘅人都會明白。冷靜落嚟後send wtsapp同老婆講我頂唔順要辭職亦得到支持。

該名網民表示慶幸自己有咁做,而唔係死頂。認為人一世物一世,唔應該虐待自己。頂唔順就要堅決走。公司,上司,老細唔會可憐你,只有你自己同愛你嘅人先會心痛你。
你走咗,公司即刻就會搵人代替你,一個星期之後冇人會提起你。

亦有過來人表示,曾經自己都面對好惡劣嘅情況仍然猶豫不決。甚至呃自己呃人哋話咁樣係深思熟慮,理性分析。依家諗返真係可笑,

其實就係怕死,畏首畏尾,怕改變怕適應冇自信淆底。經歷過嘅人其實一眼就睇得出當時我嘅心理狀態,仲以為呃倒人。其實真係冇咩咁大不了,成世人流流長,呢件根本就係小事,以後大把路要行,條路會帶住你行,唔需要怕。

如果出面搵唔返呢份人工?

不少網民對事主都深表同情。更有網民提到,自己處境同事主一樣,甚至多一個顧慮,就係年紀都接近4字頭。

有人分析指事主現時嘅恐懼,就係自己想像出嚟嘅下一份工比依家嘅更可怕,驚下一份工可能更差,人工福利比唔上依家,Title低咗……等等之類嘅嘢。越諗越恐懼,覺得唔走好過走,所以一次又一次咁說服自己留低。

 人唔應該相信自己嘅想像,反而應該接受過來人嘅建議。外面海闊天空,唔需要咁驚。將來望返轉頭,依家呢個階段同諗法真係得啖笑。
就算快4字頭都唔應該驚,其實並不值一提,唔好自己困住自己。

 

問自己肯捨棄甚麼

首先要明白,任何事都絕對有可能,要先問自己肯捨棄乜嘢。

網民表示,其實冇咩大不了,最多咪重頭嚟過。留低唔需要勇氣,死忍就得,過完一日又一日;離開先係真正需要勇氣,去面對未知。

情緒會影響健康,身體最重要,找份適合自己。

返新工 網民熱話 壓力大 求醫
網民熱話・返新工】任何事都絕對有可能,要先問自己肯捨棄乜嘢。

probation=雙方適應和磨合

試用期係俾雙方面真真正正了解深入觀察大家夾唔夾得嚟。啱啱返新工未適應環境,要努力俾啲時間去適應下。

如果適合唔到,勉強只是浪費大家時間。並不是一相情願希望可以用三個月去改變自己變成另一個人。 

而事主新工咁大壓力,即係份工唔適合,就應該搵過另一份。就算勉強捱落去,呢種情況多數做唔長,早啲走好過。

新公司,新人事,新工作,好多未做過嘅嘢。壓力大是正常,因為對自己有要求。

返新工 網民熱話 壓力大 求醫
網民熱話・返新工】份工唔適合,就應該搵過另一份。

人工高唔係代表一切

曾經天真以為高人工就為之好,但冇諗過人工稍為高少少代價係好大,受唔起同承受唔到份工既壓力比你幾高人工都冇用。

人工高都要你做得長先有用,快手找定其他工,萬一真頂唔順或者對方唔再忍你,你都可以好快返第二份工。 又或者人工高但會捱壞個身體,有情緒病,多多錢都補唔返,到時有幾多錢都無用。

另外,假如上司唔鍾意你,應該係一開始就睇你唔順眼,好難突然器重返你,覺得你好掂。就算有咁嘅情況都非一年半載嘅事。

返新工 網民熱話 壓力大 求醫
網民熱話・返新工】人工稍為高少少代價可能係好大。

 

 

相關文章