港男唔夠首期無法畀女友一個家 「結婚買樓?直頭連拖到唔敢拍」| 網民熱話

港男唔夠首期無法畀女友一個家 「結婚買樓?直頭連拖到唔敢拍」| 網民熱話

網民熱話首期】年輕一輩成日都話:「香港地好現實咩都要講錢。」喺香港想畀另一半一個承諾 一個家庭 一個屋企真係好難,有網民喺討論區上提到自己想同女友結婚,但有心無力,表示以自己財力,想上車實在吃力。

撰文:麗爾|圖片:電視截圖、unsplash

事主同女朋友都約27、28歲,拍拖6年,一直都有計劃想結婚。但就算有儲開錢,都覺得好難先夠錢買樓同結婚。

事主仲提到自己傾傾下忍唔住喊,但唔敢出聲,唔想俾女朋友知自己嘅壓力。

首期 網民熱話 港男 女友 結婚 買樓
網民熱話・首期】圖片:電視截圖

有人講出自己同事主相似嘅經歷,最後被逼面對現實,無首期就要分手。該名網民27歲,畢業出嚟做咗4年野,29K一個月。

人工每月分配:

14K家用
1.5K公積金
1.5K還學費
3.0K午餐交通
3.0K同女友出街
1.0K交稅/做人情
每月儲6K

慨歎出嚟做嘢先知養家係咁辛苦,女朋友屋企人問過佢幾時買樓,話「貧賤夫妻百事哀」,叫佢放棄唔好害佢個女。養到個女咁大,唔會俾個女同網民屋企人一齊住。 最後女友早幾日就講咗分手。

唔夠首期可以租住樓先

不少網民問:可以租住樓先,唔係嘅話唔通40歲先結婚?

不過不少人指租唔係租唔起,亦都儲咗幾十萬,但同買到個距離爭好遠。

無話過結婚就一定要買樓。正常來計,事主拍咗六年。應該有為結婚樓儲啲錢 。

有人提到其實畢業之後有好好鋪排,三十歲左右搵40k up應該無乜難度。

加上買到樓唔代表成功同幸福,買咗都要供好多年,供樓一樣有壓力,按自己能力去搵適合自己嘅生活先係最重要!

網民留言:「結婚簽張紙咪算 D錢留返嚟全力上車。」

首期 網民熱話 港男 女友 結婚 買樓
網民熱話・首期】圖片:電視截圖

有巴打表示,邊條法律規定要買左樓先可以結婚,唔好鑽牛角尖。

如果屋企有自己房,可以同住喺其中一方屋企一排先,唔應該俾咁大壓力自己。試問全世界有幾多主要城市/大城市嘅後生仔,可以淨係靠自己返幾年工就買到樓?

網民留言:「好彩我女朋友唔介意平搞結婚再慢慢儲錢買樓,但仲要係咁俾人追家用。」

首期 網民熱話 港男 女友 結婚 買樓
網民熱話・首期】圖片:電視截圖

不少年輕人慨歎喺香港生活慘,如果有屋企要照顧嘅話,就唔係咁單純有愛嘅人一齊就得,仲要俾老一代話90後唔夠勤力。

無嘢慘過岩岩超過居屋入息限制,私樓又未買得起。依家嘅香港好似無打算照顧呢班人。「出去租樓萬萬聲,剩低唔知儲幾多件先夠上車。」

喺香港,當你租屋都冇咗一截,交通 水電 食飯 日常開支,就算儲到錢,都唔知係幾時嘅事。

有人表示,無樓結婚無所謂,但唔好生仔,你幫唔到將來小朋友買樓都算,唔好要佢幫你交埋租。交兩份,到時你小朋友只會比你更痛苦。

網民留言:「500萬樓做2成都要100萬,仲要你有本都冇用,人工冇番咁上下都唔駛旨意過到壓力測試。」

首期 網民熱話 港男 女友 結婚 買樓
網民熱話・首期】圖片:電視截圖