HR

HR話請人難過登天! 職場跳槽文化 魚唔過塘唔肥 | 網民熱話

社會熱話

廣告

網民熱話】有HR(人力資源人員)在討論區話「感覺而家請人好有難度」,指後生做唔長,引起網民的討論!

撰文:亨利|圖片:電視截圖、unsplash

樓主指自己一直也是在人事及行政部門工作,近幾年很難請人,「請到適合既人更難, D 後生做唔長,唯有請中年, 反而好少少」,樓主想各位打工仔分享自己意見!

有同為HR的網民表示,同意現時請適合的人很難,「有啲老細好孤寒,啱嘅人人工要多些少都唔比。如果揀人價低者得,咁公司洗乜HR」。

亦有網民指,你僱主要求高,出手低,要求求職人士高學歷,「萬能俠,乜都要識做,但又比唔起錢」,所以請不到人。

有網民指,「好做唔會留唔住人」、「人工與市場脫節請人當然難」,市場上有很多工種可供選擇,「你揀人、人揀你」。而且香港職場有跳槽文化,「魚唔過塘唔肥」!

另外,網民提醒樓主,公司地點也是打工仔的參慮因素之一,「如果相同價錢,所謂既market price,但返工地點輸俾人,難請唔出奇…..」,網民續指,「我唔係做HR, 但見公司新請既後生真係麻麻…..」

有網民說,後生不一定不好,要睇公司需要甚麼人,「後生嘅騎牛搵馬,中年嘅尋求安定, 睇你公司想請咩人姐」、「請中年但要出新人人工,仲難請」。

有網民認為,僱主成日希望請一些第一天上班,「自動埋位樣樣都識做嘅新人」。

但這個想法根本不實際,市場上能力高的打工仔不多。

網民建議公司要考慮提供更好的培訓和長線發展機會!