一句到尾會唔會做政府工 「入去做最緊要早 蝕頭賺尾」｜網民熱話

撰文：麗爾｜圖片：電視截圖、unsplash

有唔贊同政府工等如好嘅網民表示，自己有5個做政府工嘅朋友，有3個經常OT。不過差唔多全部留言者都表示好過出面打工，但係有理想嘅就唔好做政府工。認為「自認有能力夠拼搏者真係咪入政府，見到班垃圾舊制會做到眼火爆」。

 政府工好處1.蝕頭賺尾

網民認為做政府工比較有保障，人到中年若遇上經濟唔好，公司生意唔好，第一批炒就係啲高年資，反而政府就可以做老屎忽。
該位人士自稱十九歲出嚟半工讀，廿三歲入政府，依家30接近40k。
不過巴打亦有補充，打政府工都唔可以hea，要努力向上爬。
人生有可預見嘅career path，其實乜嘢都易啲計劃，但好視乎你自己嘅性格同讀乜科做乜部門。

同樣係打緊政府工嘅另一位巴打表示，由入職到依家officer grade，升咗兩次職，靠自己努力open recruitment 升職，只要你肯努力，已比大部分人優勝。巴打都有補充話咁諗可能有人覺得佢傻，但自己確實一向當政府工係私人公司咁做。

 政府工好處2.work life balance

有人指出，穩定工作代表你比較容易做到work life balance。
入政府最緊要早，「做下面個班穩穩定定，準時收工，又有公屋/綠表」

又表示做officer grade或以上做幾年試升point 28，已經5xk，再升多級就point 34，又有16k房津攞。

做到4x歲都做左20年，又有20%公積金。認為做得正常又唔會炒人，何樂而不為？「追求生活品質就政府 私人你有錢都無地方洗 除咗供樓」

 政府工好處3.人工較有保證

網民表示，做政府表現衰只係比人鬧加冇得升，
私人公司的話會鬧夠先兜你走，而人工又冇保證。
一諗到中年會比後生取代就諗唔到點解唔做政府，當然有本事者除外。