返9點工 8:59:59 前打卡 上司當遲到大罵 網民：「跟著個癡線你都冇運行」｜網民熱話

網民：「甚麼是準時上班？」

網民在討論區以「甚麼是準時上班？」為題公開求解，樓主表示他「本身返9:00，即是8:59:59 之前打到卡就準時，點知新來的經理自己手錶整快個幾分鐘，就話我遲到。」

樓主指自己事後要求HR列印出其打卡時間，顯示的確是8:59:59之前，同時HR都表示樓主並無遲到。

樓主指上司不單沒有道歉，最令樓主反感的是上司最近更變本加厲，朝早站在打卡位等樓主回來，「我8:59打到卡，就大大聲話你遲到」

8:59:59 前打卡當遲到

他表示，平日在工作上並不會與新經理有直接接觸，但他此舉會每其他部門同事誤會樓主是「遲到王」，也會令他我上級感為難。

他認為自己「早點是應該，但準時也對的」

雖然HR「都話算吧」，但樓主本人就表示極無奈。

此帖一出，即引來網民熱烈討論，網民反應基本上持兩極意見。

「叫你個經理驗腦」

有網民同情樓主的遭遇，並指這是上司玩針對的表現，建議樓主「叫你個經理驗腦」、「話返佢轉頭啦」。

其中有網民指出，公司有打卡機，「其實仲邊有得無理取鬧？」

另有網民表示「呢啲好明顯係cls早期徵兆，之後會陸續有來，係我就辭職走人為妙」

「做人要識分莊閒」

不過，也有網民表示不認同樓主的「準時」行為，並認為樓主「咁小事都唔識處理，又無腦又小器，走去邊都會失敗。」

「連嗰幾分鐘都要計較，為啖氣。難有出頭天。」

「做人要識分莊閒。你理得你上司係咪智障，做得你上司你就要識做。」

「你咁唔識做人，唔玩你玩邊個。早幾分鐘，好難為你？有個人訓練你養成早五分鐘到嘅習慣，對你嚟講絕對係好事。而你淨係識得諗人哋針對你，可見你係智商低，器量淺，不可能成材。」

這名網友更續指，若事件揚開，傳至「大老細度，一個係『要求嚴謹嘅上司』、另一個係『返工預到好抆、反抗性高嘅較低級員工』。你話邊個蝕底？」意見似乎很中肯。

不過，對於經理要求樓主的上班時間標準與 HR有所唔同，有網民就認為經理有責任要同員工講，「唔係打橫嚟，否則經理有問題。」

樓主看過於大家的意見後，則認為工作就是要準時，更舉例指「服務市民的政府、銀行早1秒都唔開門，巴士都是準時開車。早到是你自己的事宜，準時是責任，可能我想不通」

早5分鐘係最理想

事實上，雖然有為數不少的網民指樓主應該轉工，但隨後也有些網民建議樓主不妨早一點上班以解決問題。

「其實早5分鐘係最理想，樓主8:59打卡係無遲到，不過如果間公司9:00就ready開始做野，你8:59打卡，返到岡位，整理少少野先開工，已經可能係9:05，咁同遲到無分別。」

「早5分鐘返，返埋位遊手機，9點先做野（嘢），洗（使）鬼為佢勞氣，全世界都有呢類小人」

「唯一不遲到的方法就是早到」

「初出茅廬的 就會和經理據理力爭 打混多年的 就會扮死狗 講知道 以後會準時（提早10分鐘到）」