上司滿意工作表現 但嫌與同事關係唔夠好 網民:唔通要同佢哋攬頭攬頸|網民熱話

上司滿意工作表現 但嫌與同事關係唔夠好 網民:唔通要同佢哋攬頭攬頸|網民熱話

網民熱話】返工最主要目的是賺錢,同事間能互相尊重,已很不錯。因為職場上,從來都不是一個交朋結友的理想地方。當然,若你能在公司找到志同道合的真友誼,除咗恭喜之外,我都唔知講乜好!有網友就同事關係問題,於討論區發帖尋求意見,想知自己不想與同事太Friend的想法有否問題…
撰文:浩德  | 圖片:新傳媒資料室、unsplash|資料來源:香港討論區

上司嫌與同事關係唔夠好

網民在討論區以「你地(哋)同啲同事關係係點?」為題開帖尋求意見,他表示自己向來不喜歡與同事太熟絡。

「大部份都係普通關係,返工講埋啲無謂野(嘢),就算有少部份比較fd少少都係表面,心底裡面就保持距離,放工都唔想同佢地(哋)聯絡太多,也唔想見面,如果對住啲唔係太鐘意或者好憎嘅同事就比較少講野,或者完全唔講」

但問題卻出現了,樓主表示他上司滿意他的工作表現,但卻認為他與同事的關係「唔夠好」!

同事, 上司, 網民, 工作表現, 同事關係, 朋友, 網民熱話

同事攬頭攬頸先叫Friend?

樓主指自己雖然不想與同事太Friend,但與「無鬧交維持普通關係」無問題,最重要是不影響工作,不明白上司為何有如此想法,令他深受困擾。「唔通要同佢地(哋)攬頭攬頸先叫無問題???」

此帖一出,即引起網民熱烈討論,大部分網民均同意樓主想法並支持其與同事保持距離的做法。

他們均異口同聲表示,同事間關於不宜太親近,更「唔會講私人嘢」。

同事, 上司, 網民, 工作表現, 同事關係, 朋友, 網民熱話

「除左(咗)公事,同佢地(哋)基本上冇偈傾」、「同事好難成為朋友,也盡量唔好,始終大家有利益關係」

有網民表示,每一份工,即使返工時與同事「有傾有講有save電話,甚至一齊lunch或放工,但辭職後總會斷咗聯絡。」樓主即回應這就是「人在人情在」表現。

也有網民直言:「大家都係戴住個面具做人,正所謂反轉豬肚就是屎,諗返轉頭都係保持距離好啲!」

同事, 上司, 網民, 工作表現, 同事關係, 朋友, 網民熱話

君子之交 沉默工作

樓主看到各人的回應後也表同意,工作上「只做自己嘢、傾計只講公司嘢、不提私事」是最理想做法。

最怕是「驚講錯野(嘢)比(被)人是非當人情」

有網民指同事之間只有互相利用,樓主也表示同事只有「講是非篤背脊𠴱陣最團結」。

更有人指自己「完全唔想同同事有任何瓜葛,返工特登唔帶眼鏡,放假先帶,都係為著響街撞到都唔使認到我」

「君子之交,沉默工作。」

同事, 上司, 網民, 工作表現, 同事關係, 朋友, 網民熱話

不過,有心水清的網民提出,樓主的上司或想暗示樓主「唔夠主動幫人」,並提議樓主在公事上幫助同事以建立友善形象。

「有時公事上主動幫忙,比推心置腹傾私人嘢更安全、更有效建立友善形象。

另外,有網民也認為與同事熟絡「一定係利多於弊」,不過如果樓主本身「真心唔鍾意」與同事太Friend,夾硬做只會得到反效果,所以,不勉強自己才是最重要。

同事, 上司, 網民, 工作表現, 同事關係, 朋友, 網民熱話

同事關係好係Bonus

事實上,作為打工仔,每日都長時間要與同事一起共事,見同事可能多過見父母,可以做到朋友當然是萬幸。

在沒有利益衝突的前題下,若與同事關係好,對工作也可能有正面影響。

同事間其實也不需要刻意扮Friend,即使大家只「傾門面嘢、唔傾私事」問題也不大。

能做到互相尊重,也非常不錯,畢竟職場上很多時都是團體工作。

而作為一個員工,始終都要學會同同事相處溝通,這個也是其中一個重要的職場技能。