買滙豐債券當生果金 收息收到2097年

借貸力在45歲後會下滑，建議讀者不應再買樓。
買不買樓，主要看自己會否因再買樓而借到爆晒。
正如筆者由2012年已開始講，旺市只宜用六至七成借貸力。
銀行如何看待自己（例如45歲後借錢開始難）、有沒有需要（不是指自住需要，而係需要利用槓桿去讓租客為業主加快儲蓄，以及利用政府濫發鈔票而貶走債務的需要）。

上述要點，筆者都無提及後市升跌，因為如果想從價格升跌去賺錢，最好方法唔係買樓，而是買股票！買樓只是穩而慢的投資方法。

此外，買房地產投資信託基金（REIT）都係一個低稅、靈活性高而可分享樓市升幅的方法。
讀者已近50歲，樓債已近還完，不好現時再買樓；加上萬一摸頂，一個跌浪再回穩番，轉身後，讀者可能已近55歲，到時近退休「無仇報」，因此投資前要考量自身可承受之風險。
讀者人工不錯；加上加按後可得大量資金，如何再進一步？可考慮利用券商之便，用低至1,000元美金入手滙豐銀行直債（見下表）。

這直債年期是100年，由1997年玩到2097年，但亦可今日買、明日沽，即可以中途「落車」。
由於是滙豐，而且是排序較股票高的直債而非股票，相信讀者有一定信心吧。

缺點是現在買要付39元premium，即要用139元個價買，但換來是每年7.2厘息。
換個角度講，只要滙豐銀行唔執笠，直債要五年回本（因為5.5年已收回近40厘息，大致抵返139元價條數）。
「住滿五年」之後就等於享有「滙豐生果金」之權利，7.2厘年年派到你死（相信唔會長命到2097年仍未死吧）。
既然讀者可能已將錢淨存在銀行幾年，何不由今日開始「移民滙豐」，坐夠5.5年就開始收息呢？

讀者550萬元兩房物業可加按套出360萬元（550萬元×60%−80萬元），連手上現金140萬元，合共500萬元。
可將150萬元投入債基收息，行B餐收年息20厘，主要是美國公司債，每月收25,000元，夠補加按後要負擔的17,000元〔（4.4÷2.59*）×10,000元﹞。
另外，150萬元不妨入手上述的mini bond，1,000美元有交易，留意係買滙豐銀行的債，而不是去滙豐銀行買。
本欄講的都是「食水低」投資物，銀行識都唔會做。

讀者另外150萬元入手呢項mini bond，年收10.8萬元（150萬元×7.2%），即150萬元產出月均9,000元利息。

讀者只要將上述兩項事情做好，每月有34,000元（25,000元+9,000元）利息，已等於夫婦其中一人收入。
有了新「武器」，過埋農曆新年假期後再諗是否五年後退休。當然賺到錢，一拆二再補多一間樓在手情況更佳。
再補充一句，倘若跟買股票比較，看看滙豐控股（00005）股價有排都未返2007年140元個價，已知筆者想講甚麼。
另外，股份派息是不保險，利用股票作退休準備並不合適；相反，剛入職場的後生仔多用股票係好事。

延伸閱讀:

40歲人工$39,000擁過千萬身家 點樣錢搵錢賺10厘回報

換取最大回報 一注資金收10厘幫補生計