放寬9成按揭上限 樓價或更失控
同學： 「睇樓呀，又行沙田，又行大埔。」
筆者： 「2016年咪幫你搵咗個筍盤，低位上咗車囉，又買？」
同學： 「唔係我呀，幫表弟搵啫。」
筆者： 「搵唔啱呀？使唔使幫手呀？」
同學： 「好呀，有冇啲400萬樓下嘅上車盤呀？」
筆者： 「有，不過唔多，一定要400萬樓下咩？」
同學： 「係呀，表弟佢首期唔夠，要做9成按揭。」
筆者： 「新界冇咩？」
同學： 「二、三線屋苑都睇埋啦，200幾呎都過400萬。」
筆者： 「而家啲細價樓，好多都係開呢啲價。」
同學： 「好在嗰陣聽你講300萬樓下買咗間金獅。」
筆者： 「聽講而家叫到450萬喎，真係恐佈。」
同學： 「最近有官員提出話可能會放寬9成按揭，點睇？」
筆者： 「睇佢點放寬啦。」
同學： 「而家400萬樓下先做足9成，如果放鬆到450萬呢？」
筆者： 「表面上好似幫到人上車，其實仲死！」
同學： 「會發生咩事呢？」
筆者： 「而家叫緊400頭嗰啲盤，即時衝過450萬。」
同學： 「我都覺得係，幫人反而害人，政府成日都係咁…」
按保樓價設限，嚴重扭曲市場！
甚麼是細價樓？甚麼是上車盤？以往沒有明確定義。
後來政府收緊按揭，400萬以下才可以借足9成，600萬以下才可以借8成，市場就開始約定俗成，400萬以下就叫細價樓，600萬以下都叫上車盤。
上車嘛，除非有父幹、母幹，否則多數上車族都是首期有限，靠高成數按揭，拉長供款，才能提早上車。
政府為按保樓價設限，出發點好，避免過份借貸，然而出現嚴重的反效果，細價樓被瘋狂搶高！即使同一個屋苑，相若的樓宇質素，細單位的呎價，竟然可以高過大單位10~20%，離譜！
門檻！…業主睇住開價，買家睇住追價！
走在前線，不難發現業主開價與買家追價的心態。
作為業主，當然希望賣個好價錢，然而市場總不是業主說了算，要買家買得起，才會有成交，按保門檻就成為武器。
試想想，350萬與380萬，對一個做9成按揭的買家有何分別？首期就是35萬與38萬而已，這是很強的賣點！即使貴一點買家亦願意追。
很有趣！早兩年見業主開價…
經常都見到368萬、388萬、398萬…後來樓價不斷破頂，400萬關失守，開始見到408萬、428萬、438萬，因為450萬以下都可以8~9成，上限是360萬，以408萬為例，首期只是40萬加8萬，試試無妨，對買家來說，爭少少，都好啦！
然而到了450萬，阻力開始大，因為已失去細價樓的優勢，如果上調按保樓價上限，不難預期，428萬、438萬的盤，極速跳上458萬、468萬…
如想想幫助市民置業…
不如盡快優化辣招，例如筆者之前的文章提到的鼓勵二換一，釋放二手供應；不如盡快推出資助房屋，與市場脫鈎，主導價錢；不如盡快監管一手高成數按揭、擠牙膏，避免一手越叫越貴，引發二手反價潮；當然還有增加供應、限購等等，方為上策。
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
