辭職有原因 遇著7種難頂同事

辭職有原因 遇著7種難頂同事

職場

廣告

辭職有原因 遇著7種難頂同事

辭職有原因,會否因為遇著7種難頂同事?

有人嘅地方就有人事同是非問題,如果人際關係搞唔,加上又唔識同人溝通,響職場上隨時會好蝕底。

其中之一係遇上欺凌事件,咪以為只會響網絡或者校園先會發生,日日返工放工對口對面嘅同事,隨時都會發生呢啲場面。

身為打工仔嘅你,有無遇過以下情況?你又會唔會響不知不覺間,成為被欺凌對象,又或者掉返轉頭,你自己根本就係惡魔一名,經常欺凌同事呢?

1 含血噴人

大家日日返工朝見口晚見面,有啲人總係鍾意出口鬧人,最衰格係啲說話字字有骨兼且帶有侮辱成份。大佬,大家都係打份工啫,洗唔洗吓吓兜口兜面咁樣鬧人先。就算你係出糧果個,都唔應該講說話侮辱人啦。

2 明玩針對

明明小事,總係要放大一萬倍,雞蛋裏挑骨頭,踩得就踩,最衰係仲要加啲惡意批評,即係明玩針對啫。

3 請食豬頭骨

返工時明明講清楚自己要做咩架嘛,點知有人陰啲陰啲比啲唔合理嘅工作你歎,例如厭惡性啦、太難啦、唔係你工作範圍嘅工作啦等等,一句講晒,咪就係請你食豬頭骨囉。

4 分工唔勻

明明同一個POST,大家咁高咁大,點解佢可以做咁少嘢,我就做到阿積咁款先,啲工作量大到就快死喇!!

5 明玩排擠

我可能生得唔夠靚,但都唔洗咁對我呀?我同你哋同枱食飯、同你哋一齊行會影衰你哋咩?食飯一定唔預我,總係借意避開我,係咪想我自己無癮辭職先?

6 明篤背脊

講嘢唔恰當,有時候都係欺凌一種,語言欺凌同樣令人難受。響我背後講閒話,同老細篤我背脊,都係一樣咁衰。

7 比個衰位你

專登安排你坐響好窄嘅位,周圍擺滿影印機,係咪想我吸粉身亡?

遇著呢7大欺凌事件,打工仔可以點好呢?一係頂硬上,一係搵路走?悲!

相關文章:

6種表面風光的職業 實際相當難頂