【網上熱話】多戶窗外掛紅膠袋　原來有目的仲好用過光碟

長沙灣街坊Ng KM Celine日前在元州邨，見到其中一座有很多單位出面，都有紅色膠袋隨風飄揚，遂拍低此情此景，並上傳至Facebook群組「長沙灣街坊」尋找答案。有留言提到趕白鴿以往一直是吊起一隻光碟，有其他網民指曾有街坊指出，白鴿不怕光碟但怕紅色的膠袋，因為膠袋會吹起，但亦有人戲言現時家中有膠袋的機會，遠較光碟為高。
帖文除解答到樓主對紅色膠袋的疑問，亦引起不同意見網民討論白鴿的「去留」。有人指出在高樓大廈未興建時，「啲鴿爸鴿媽已經住喺到，所以佢哋係原居民嚟㗎」，亦有留言稱「人類嘅錯反而將責任推卸比動物」。

對於有人批評趕白鴒不人道，有網民就反問大家「其實係咪真係咁大愛呢？」她指白鴿也有生存權利，亦知悉有人餵鴿所以有鴿聚集，但認為掛膠袋趕白鴿已是最和平、最簡單不見血的方法，「既不餵，亦不殺」。亦有人提出，目前白鴿已繁殖到有點多，導致環境變差，「周圍都白鴿便便，以前嘅烏鴉邨依加變白鴿邨，主要係太多人餵整到白鴿又肥又大隻、又多仔女」。食物環境衞生署一向宣傳市民不要餵飼野鴿及其他雀鳥，並指餵飼野鴿及其他雀鳥弄污公眾地方，可被定額罰款1,500元。

資料來源：AM730