合和公路唔派中期息  應唔應該繼續持有 | 龔成信箱

合和公路唔派中期息 應唔應該繼續持有 | 龔成信箱

今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題。

撰文:龔成 |圖片:網絡圖片

1.合和公路

合和公路唔派中期息  應唔應該繼續持有 | 龔成信箱

老師老師,737唔派息 龔sir仲應唔應該繼續持有?

龔成老師:

合和公路(0737)轉左大股東。業務基本上唔會變,因為公路企業經營好簡單,邊個做都分別不大,問題是派息政策,這的確存有未知數。

佢中期息唔派,但有可能一次過在未期先派,呢個要等下先知,所以這刻唔會太負面。(對照龔成信箱:Q4865)

2.年報點睇

老師,我是股票班的學生,剛剛睇完2388的年報,有d地方唔明,可否再簡單解釋下:

1) 如果利息收入多年都沒有突然大的升幅,代表銀行借貸風險沒有提升?
2) 資產減負債如是正數會較穩陣?
3) 全面收益表內沒全面虧損

4) 總資本比率《巴塞爾協議III》最低要求是4.5%及6%即是越高代表能承受風險能力越高?中銀高過這個,即是好?
5) 負債比率20972除2246是933%其實有沒有一個指標代表是高或低呢?

龔成老師:

1)只是部分因素。銀行主要有兩個收入,淨息差與非利息,息差部分要睇銀行總資產,資產組成的結構,銀行收取的平均息率,淨息差。

2)一定是正數的,因為會計的公式定義了「資產-負債=股本」,如果資產減負債是負數,就是資不抵債,要破產的。

3)這部分真的好難解釋,但你不用有意,暫時跳過先。

4)《巴塞爾協議III》會要求銀行在各方的資本結構中,都要基本合符這要求,如果要求愈高,代表風險較低。這反映中銀(2388)的風險不高。

5)銀行企業是獨特的企業,所以不會以一般的指標作準,我地分析銀行股時,往往會睇裡面的資產結構先有結論,所以,單睇這個無答案的。(對照龔成信箱:Q4861)

3.月供策略

老師,想請教月供股票,是否要因應市場環境,改變月供策略?

還是持續不變地供兩年以上?

龔成老師:

會因應市況而有少少改變,但就算不變,都無問題。

例如打算月供$10000盈富(2800),持續5年,這5年間就算升升跌跌,其實都可以照供,只要時間夠長就可以。

當然,當中可以有少少調整,例如市況過熱,好多股票都偏貴,大市的市盈率處貴的水平,可以由每月$10000減至$5000。

反之,到市況偏平,可以加大供款金額,每月由正常的$10000,加至$15000。(對照龔成信箱:Q4862)

4.三股一問

老師,想問下:

144招商局港口
46科聯系統
1349復旦張江

龔成老師:

招商局港口(0144)係中國領先的港口投資者和營運商,就業務分類而言,可分為港口業務、港口相關業務及其他業務。業務都算穩定,盈利不錯,但股本回報率不高,賺錢能力不強,現時估值合理,質素都算不差的,但往後只會平穩增長。

科聯系統(0046)主要從事提供軟件產品,範疇包括人力資源管理至企業層面的資訊管理、採購管理及零售管理。除軟件產品外,亦提供信息科技解決方案及服務等。過往的業務表現唔錯,但規模細,企業存有風險,就算投資都不宜大注。

復旦張江(1349)係中國從事研究、開發及出售自行開發的生物醫藥知識、為客戶提供合約制研究、製造及出售醫療產品,以及提供其他醫療服務。

這股有潛力的,但過往股價都幾波動,市值細,因此上落都幾大。(對照龔成信箱:Q4863)

5.大市看法

你好呀,個股市之前創新高之後又跌番落去!

呢段時間你覺得有邊d股票係可以投資呢?
我係每月有淨錢儲股票!

龔成老師:

如果你明白股票的真正原理,就不用太著緊市況。

買股票就是買企業,買入後等企業慢慢成長,中短期波動不用理,優質企業將長期受惠經濟及自身的成長,令價值增加,長期股價自然向上。

現時股市不算平宜,所以不宜投資太大金額,但只要你找優質股票,長線投資,買入時以分注或月供的模式進入,咁就得。

你可以用一邊儲股,一邊儲現金的模式進行,投資盈富(2800)、金沙(1928)、中銀(2388)、長建(1038)、港鐵(0066)等,長線投資就可以了。

記住,買股票是買企業,其他人的報價(即是股市的市價),可以同企業本質無關,短期可以好波動,你集中企業的長期發展就可以。(對照龔成信箱:Q4864)

6.澳門人買港股

龔sir您好,有少少問題想向你請教。

一) 因為自己係澳門人,金融機構選擇甚少,每次入手股票都要付上好多手績費(經紀費、存倉費 代收股息費)感覺未投資獲利就已經先打300既感覺

如果投資一d股票好似目前入手兩隻收息股(6823 2手同737 5手)咁,如果打算長線投資唔諗住放,其實手績費方面自己係唔係應該唔好care咁多?

二) 第二個問題就係打算月供2000係長江基建上面。另外仲有大約一萬蚊左右純粹投資資金打算投資多一支成長股上面,目前市況打算留意銀行939 同埋金沙中國(40蚊以下),龔sir有股票建議下。

(form一位剛出黎社會工作既23歲青年)

龔成老師:

1)唔會太著重手續費,因為長線的資產增值先最重要。但都明白,手續費的確是問題,你最好減少買賣次數,儲多d錢先買入一次,相信咁樣的策略會較好。長線投資是最好的方法,呢個都會減少手續費成本。

其實,你而家剛開始累積資產,財富唔多,手續費佔比自然較多,到你慢慢多資產,就唔需要擔心。

2)月供長建(1038)很好,可以一直進行。如果有些錢投資,可以先選盈富(2800)因為這有助你組合平衡,之後再投資金沙(1928)。建行(0939)是收息股,對年輕人來說,可投資,但不用太多。(對照龔成信箱:Q4866)

7.30萬投資

龔sir.如我有30萬左右的錢作投資.

請問現在大市可以入嗎?
有什麼股票推薦

龔成老師:

現時市況不平,但都可以投資一些不過熱的優質股,只要控制注碼就可以。你可以動用其中的$15萬,以分注模式,慢慢入股票,餘下的$15萬先持有現金,第真正大跌市才動用(無人大跌知會否出現,何時出現)。

選股方面,如你年輕,可以投資「平穩增值股」+「潛力股」,前者佔比較多。平穩增值股如盈富(2800)、金沙(1928)、中銀(2388)、港鐵(0066)、長建(1038)、領展(0823)等。潛力股方面,可考慮比亞迪(1211)。

記住要分注,慢慢入,不用急。投資後,不用理短期股O價波動,集中長線的企業發展就可以。(對照龔成信箱:Q4867)

8.現金50萬2年內想有100萬

老師,本人月入2萬,現金$50萬,希望二年內有一百萬

我可以怎樣投資股票方法從而儲蓄100萬呢?
希望你可以協助我?

龔成老師:

如果要兩年時間,的確有點難度,不是不可,但要配合市況才可。

你要投資增值力較強的股票,以「潛力股」+「平穩增值股」為投資核心,較多投資潛力股如比亞迪(1211)、福壽園(1448)、中生製藥(1177)等。

平穩增值股如盈富(2800)、金沙(1928)、長建(1038)等。

但這個方法有風險的,因為在一般的組合,潛力股佔比不會太多,如佔太多當逆轉時有風險,但如表現好,有機會助你達成目標。不過,我始終覺得財不入急門,所以這方法我只覺得一般。

較好的方法,是你加大儲蓄,同時穩健投資。你可以做下小生意等增加收入。同時,努力學習投資知識,有機會發掘到更多有潛力的股票(但現時市況不平,要耐心等下會較好),同時提升買賣技巧,我相信都有助你2年累積到$100萬。(對照龔成信箱:Q4868)

9.月供係點運作

老師,請問可否簡略講講月供股票的玩法?
月供股票,是否和基金一樣,要供24個月才可部分提款?

龔成老師:

你首先到銀行或證券行開股票戶口,然後登記月供股票,你要選出想供邊隻(當然,要該銀行有得供先得),例如供盈富(2800)。然後決定供款金額,例如$5000。

這樣,銀行該會每月扣你$5000,同你用當時的價位買入盈富,假設盈富現時$25,銀行就同你入200股,如果下個月升到$50,就同你入100股。原理是不斷儲股票。

一般銀行無限制你供幾耐,你可以中途賣出(當然,要視乎當中條款),但有d銀行每次供款時都要收一次佣金,所以你要比較下。聽網友講,南X商業銀行,同埋匯X銀行,這方面的手續費較平。你比較下先。(對照龔成信箱:Q4869)

10.30歲投資起步

我三十歲左右,無投資經驗。

我想問買1211同6123可以嗎?

龔成老師:

先達國際物流(6123)我有少少保留。佢係一家以香港作為總部的國際貨運代理服務供應商,現時業務已擴展至多個國家,但近年生意無增長,而且盈利有下跌情況,近年股價大上大落。

佢又未到無質素的水平,但只屬一般,加上股價波動,未必適合初學者。

比亞迪(1211)是有潛力的股票,但對於初學者來說,股價有點波動,可以小注投資,又或以月供的模式進行,會較好。

在現階段市況,新手可選較穩健的股票,以及收息股,作為初投資會較好。同時,最好一邊儲優質股一邊儲現金,投資是一定要分注,又或以月供模式進行。(對照龔成信箱:Q4870)

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:facebook.com/80shing

個人網站:80shing.skx io/

延伸閱讀:

90後有$9萬積蓄 想用$6萬投資錢搵錢

合和公路唔派中期息  應唔應該繼續持有 | 龔成信箱

李嘉誠原來係科網股高手 買Facebook 雷蛇勁賺
賺錢,投資,理財 理財入門