外母開心揀居屋 280呎約二百萬值唔值搏︳諗sir專欄

外母開心揀居屋 280呎約二百萬值唔值搏︳諗sir專欄

投資

廣告

讀者來信:

你好,少少問題想問問你哋專業嘅意見,外母又有機會揀居屋(綠表),不過只係得勁唔方便嘅觀塘同元朗有得揀。亦只有280呎嘅一房單位選擇,籠統價就大約二百萬。外母就唔知點解好想買,但我自己就覺得唔知買嚟做咩。作為投資,居屋一向唔係一個合適嘅選擇。

用嚟住,唔講本身兩個屋苑交通本身極唔方便,280呎我諗兩個細路之後成家立室都唔會想住,租又唔租得出去。所以我自己就傾向唔買。仲有,香港樓價相信未來都唔會好好境,而且係居屋,估計未來十幾二十年都唔會有咩升值空間。所以喺你哋專業嘅角度,我值唔值得跟外母嘅意願去買呢?

補充少少背景資料:
現時我同太太、外母同兩個細路同住,兩個細路仲讀緊書,父母則住喺另外一個已供滿嘅私樓。自己兄弟姊妹各自有自己經濟能力不需理會。未來諗住現住單位及另一單位會留俾兩個細路,一人一個。我同太太預計十年內退休,預計冇能力達致財務自由。所以諗緊如果新買一間極細居屋係咪多餘。

諗sir回應:

相信讀者問我之前,自己也有些前設。當然我哋也要應題,280呎以下單位,無論居屋或私樓不太建議原因,基於早年銀行傳出,280呎以下單位銀行不做按揭,主因是政府說明之後推出公營房單位最小面積不會少於28平方米, 約280平方呎,後來金管局出聲銀行話照做。然而於近月銀行爆哂數,又唔派回贈更一定會「揀黎做」既情況之下,買太細單位等同立於危牆之下。

當然現在有些人買細單位,仲要新淨類別。主要客2類人,一是內地人,他們新到香港心態是過渡者角色,趁後生賺一下錢或者拎到永局有護照就走。另外是年青人上車,他們不看好後市,想買個細單位就當蝕50%,其實已抵佢6-7年租金,不怕買。我地應對上種買樓情況,可用「零首期上車」方法鋪定更好後路。

關於財務自由

確實香港的薪金水平比內地高,數字統計也顯示,在全國GDP,少於50%由人民收取,相對其他西方國家數值偏低,即是財富更集中於少數富有階層。那趨勢會延展到香港呢?我相信是有這樣的趨勢。錢集中在富人的現象上我不欲想見。可是Elon Musk早前接受訪問也提及過,AI的出現,只會比有資源和懂得運用AI的人,賺更多錢的優勢。一般打工仔是否如讀者自己所言,財務自由無望呢?

太旁門左道就要小心一點

解決這問題,方法是次選集力量儲現金,首選是儲到每月現金流。儲到筆錢收息,確可不用買樓,最緊要是主動權在自己手。當然我們要正確地收息,收息一般香港人靠買股票、買債券,當然亦有很多不同未能盡述,但有些太旁門左道就要小心一點。買債收息,現在普遍很多債,就算香港非常知名的銀行,他們的債票面息都5至6厘,而賣價還低於100,總年回6厘多,大部份人問題是不知點買才買得好,還有是之後乘去維持該投資。誠然買債不同經常「出出入入」的,這也是銀行不太想Sell你債的原因。

債券到期是本金保證歸回,即由現在至6至7年後,你的利息是固定而本金在既定日子會歸還。當然有些更長年期的債都可以買,2040年到那類,但我們不太會幫學生買長年期的債。反而買3-6年內到期的,買貴了,只要等個價就可返回100,變相之前例如94元買貴跌過去80都沒問題,而債券的波幅更很少這麼大。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:資料圖片