恒指市盈率

恒指市盈率點計 煤氣以外 可揀甚麼收息股 | 龔成信箱

投資

廣告

今次龔成信箱,有讀者問龔成恒指巿盈率何處找、除煤氣是高息股,還有哪隻股票是高息股等問題?

撰文:龔成

恒生指數公司有恒指市盈率點

問1:

成哥,想問你自己有無去計算恒生指數巿盈率。我睇網上恒指巿盈率大約為16倍。

若果真係到了股巿非常熾熱,你會將部分熾熱既股票賣出,然後會仔保留現金,定係會放係債券 或者係一d會保本生息既投資工具?

襲成老師:

你上恒生指數服務公司,有得睇恒指市盈率,呢個在我課堂中都有教過,是其中一個分析指標。過往恒指的市盈率為8倍至24倍,所以,現時未到好貴的水平,當然,這只是其中一個衡量平貴指標。

如果到了好狂熱的水平,會賣出部分股票,但要睇到時邊類股最熱,同埋分析翻,價格同價值的偏離程度,從而決定賣出多少。

賣出後會先持有現金,然後耐心等待,雖然投資債券等工具可賺到利息,但由於利息不多,同時可能鎖死資金,又或賣出時價格較買入價低,所以未必一定要投資。只持有現金,更能捕捉到機會。(對照龔成信箱Q4439)

煤氣以外的高息股

問2:

請問,除煤氣是高息股,還有哪隻股票是高息股?

另外,有哪隻股票是增長股?

龔成老師:

其實以股息率計,煤氣(0003)的不算太高,因為現金股息不算多,反而有10送1紅股計劃,所以股數會慢慢增加。

收息股可考慮港燈(2638)、香港電訊(6823)、工行(1398)、建行(0939)、陽光(0435)、置富(0778)等,你可以建立一個平衡收息的組合。(對照龔成信箱Q4431)

386,1208,1898質素分析

問3:

老師~~請問,386,1208,1898,這幾只股票的質素如何?謝謝

龔成老師:

中國石油化工股份(0386)不過不失,規模大,但價格自主能力始終不算高,所以有投資價值,但投資金額未必太多。

五礦資源(1208)質素一般般,本身持有資產,以及有規模是當中的優點,但佢業務波動,過往5年有2年出現虧損,主要受到國際資源價格影響,所以業務有點被動,雖然預期將有盈利,同時近年股價上升倍計,但這企業的經營本質,其實只屬一般。

中煤能源(1898)不過不失的,但同樣,會受煤價影響,業務有點被動,所以質素不會最高,長線發展正面,但中短期波動,可投資,但金額未必佔比太多。(對照龔成信箱Q4432)

基本因素分析提問

問4:

龔Sir 我想問下 有時見睇一間公司既盈利 / 毛利佔果間公司既市值幾多,都算係一個指標。

如果間公司市值同佢所賺既偏離太多,都算係高估值既一種,但想問大約佔幾多%先叫嚴重偏離?1%以下定其他?謝解答。

龔成老師:

呢個無一定的標準,我地睇毛利率,同埋企業,好多時會作出自身的比較,即是佢的賺錢能力,是否比過往有所提升,另外,我地會比較同行,行業的平均數是多少,這間公司處於甚麼位置,是否比行業平均的賺錢能力較高。

但我地較少直接比較市值,去咁樣推算現時市值是平是貴。毛利率可能間接同市值有關,但這個關連都幾複雜,唔會有直接公式。因為賺錢能力,會影響一個公司的價值,但只是其中一個指標,所以不能直接推算。(對照龔成信箱Q4433)

比亞迪買幾多先夠

問5:

老師,我想問下比亞迪1211,你認為手持幾多先叫夠貨?我係學生依家月供緊,但同時又怕太集中一隻潛力股。

龔成老師:

每個人的定義都唔同,年輕人可多點潛力股都得(但前提是有一定的投資實力,因潛力股要有較高的投資技巧)。如果你月供股票,4分1投資到比亞迪(1211)都可以的,無話幾多手是夠,反而會分析佔你財富幾多。(對照龔成信箱Q4434)

民生國際股票分析

問6:

老師,民生國際好嗎?

龔成老師:

民生國際(0938)的投資價值不高。

睇翻佢過往的業務,規模細,收入都幾波動,盈利不穩,近2年都出現虧損,企業價值不斷下跌。

本身業務係中國發展物業,近年中國樓市興旺,內房股都有不錯的表現,但這股卻出現虧損,反映企業的管理不好,企業質素不高。

雖一的吸引之處,是現時市值不高,若企業日後好轉,股價升幅明顯,但我認為這投資模式投機味較重,不建議。(對照龔成信箱Q4435)

內房股及碧桂園分析

問7:

點睇內房股?碧桂園算係優質股??

龔成老師:

碧桂園(2007)我不敢說佢地無質素,但當中略有風險,這是由於業務穩定性,與潛在風險的考慮。

論賺錢能力,佢不錯,近年受惠中國房地產市場興旺,佢的生意與盈利都不斷上升,賺錢好易。不過,中國樓市有泡沫,若出現下跌,就會對相關企業造成風險,因此穩定性不足。

另外,房地股的負債不輕,無事就無事,有事大件,這是企業的潛在風險。

因此,這股最大的風險,是企業的潛在問題,這是坊間好少講的,這些風險出現的機會率未必好大,但若出現,後果可以好大。所以,這股不是不可投資,但要注意風險,例如在注碼上控制。(對照龔成信箱Q4437)

中民航股票分析

問8:

你好~~我有樣野想問。

若果我分析完一間企業,好似696中民航,基本面都好靚,亦係壟斷性企業,但係就係睇唔到佢既產品,可能要去國內既機場先會見到,成哥你仲會唔會買入?

龔成老師:

我會盡力去了解佢的產品,之後都可能會投資的。

的確,有時有d企業的產品,我地好難直接接觸到,但我地都可以憑其他途俓,包括佢的年報,佢網站去了解。

同時,當我分析一間公司時,好多時分析埋佢整個行業,從而作出比較,又或你可上網找找,同過這產品的人,他們的評價如何,又或一些調查機構,他們有時會造一些比較某產品的調整,可以得知該產品在消費者心目中的程度。(對照龔成信箱Q4438)

騰訊的合理價

問9:

龔成老師,本人是大學生,早前睇完你的80後百萬富翁後令我獲益良多!我也認為價值投資才能長線獲利。

因本人是大學生未有很多本金作投資,所以打算一邊儲本金待市況回落時再購入優質股,暫時本人理想的投資組合為:工行(內銀),滙豐,金沙,港交所,盈富。另外想問下點睇騰訊,幾錢先算合理價。

龔成老師:

大學生資金不多是正常的,儲下本金等投資可以的。上述的組合,可以進行,當中都是優質股,長線投資無問題。這些股都不平,等待是其中一個策略。

不過,我地無人知幾時大市會回落,加上現時大市未到狂熱期,所以如果你完全無貨,咁樣唔太好,最好有少少貨在手,又或每月供少少到月供股票,同時儲現金,策略上會較好。

騰訊(0700)是有潛力的股票,但好難估值,市盈率處極高水平,要有較大回落才算合理。所以,根本就好難用較合理的價入,反而如果你對這股有興趣,小注買入就可以。(對照龔成信箱Q4440)編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:facebook.com/80shing

個人網站:80shing.skx.io/

延伸閱讀:

90後有$9萬積蓄 想用$6萬投資錢搵錢

恒指市盈率點計 煤氣以外 可揀甚麼收息股 | 龔成信箱

立即加入經一Patreon獨家賺錢貼士

限時尊享85折! 全年訂閱慳更多

全新訂閱計劃內容將全面升級! 每日更新針對市場變化的投資分析,即使大熊市都搵到贏錢方法!經一亦定期專訪不同投資猛人為你指點迷津,深入淺出拆解脈絡。


現成為經一Patreon會員限時尊享85折!訂閱後能閱覽名家專欄及專題報道,更可參與會員Live Chat。