自置樓蝕入肉每日擔驚受怕 投資新手應否賣樓︳諗sir專欄

諗Sir回應

假設樓價在其後兩年升20%，即城市指數大約到172點，讀者間卓爾居兩房市值為530*1.2 ~636萬，按揭欠款估計降至400萬，到時賣出可回籠資金636-400 = 236萬
假設樓價在其後兩年再跌20%，即城市指數大約跌至114點，讀者間卓爾居兩房市值為530*0.8 ~ 424萬，按揭欠款估計降至400萬而仍未負資產。如有需要，可把按揭展期令欠款400萬拉30年月供400/252 ~15800。或照供19000/月可也。

財務進度上，讀者家庭能月儲10000，即2年後照現時咁儲家庭現金為224萬元。或者由現在儲10年，家庭現金水平達320萬元。由此可現，讀者現時每月10000元咁儲，比多10年佢都係冇用。200萬同320萬拎去收息，當比夠5%，每月收到利息只係200萬*5%/12 = $8333同320萬*5%/12 = $13333的分別。更何況到時讀者先生及自己已近50歲，想再出力改變餘生，更無把握。

卓爾居若向上賺幾可觀

現時的卓爾居保留，在樓市已下調的情況下，向下面(downside)唔大，反正供樓讀者已供開，供款金額屬預定支出之一。相反upside向上賺的幾可觀，只要留市從現在升20%，又或者樓市升10%跟手搵我地powerteam有技巧地再賣貴10%，咁讀者到時賣出可由成236萬。呢個數讀者按月咁儲，要20年先儲到。這亦看到一般打工仔有樓揸手的重要性，趁後生運用好樓的槓桿可助你賺到大半世人儲到既錢。

萬一樓市向下?

就當真係負資產，又幾可call loan? 更有人拎香港樓賺到既錢，已夠去外地嘆世界。
相對換九龍三房或者再加一宅? 係讀者家庭只有先生一人做工之下，既未必按揭夠計，亦令家庭負擔超出負荷。係而家樓市升跌20%都同讀者計過問題實不大之下，但讀者已「每日擔驚受怕」，咁佢再於樓市加倉買入過千萬三房實為不智。

你買新樓太冒險

按揭夠計指讀者10萬人工，最多可借5*2.52 ~ 1260萬。卓爾居已用410萬借貸力，餘約850萬借貸力，如買入同佢現租的樓房同類的市價約1500萬，需650萬首期及借盡850萬，對現時儲蓄只200萬的家庭而言太冒險。加上1500萬樓成交較少，入貨後日後不太易找人接手。