曾幾次輸身家 牛熊男收山幾年後今年再復出 最後total loss要見心理醫生

曾幾次輸身家 牛熊男收山幾年後今年再復出 最後total loss要見心理醫生

我想問阿sir,睇youtube聽講你以前未價值投資法時,試過儲一筆錢又蝕左佢,儲一筆又蝕左。

撰文:龔成|圖片:unsplash

其實,因為我剛剛炒衍生工具蝕光了投資户口的錢,一陣約見了心理醫生了,想問下你當年總共蝕左幾多錢?

同埋蝕左幾多次,可以分享下你的心路歷程嗎?

我蝕左本金十萬,還有14萬儲起在家人到,以前都試過買牛熊證蝕曬錢,所以無將所有錢拿去投資

因為以前蝕曬錢,所以好幾年唔再投資,今年2月入返市,你都知呢排跌市,一買就蝕,實在無法子,又買返衍生工具,結果賺13萬,但後來又蝕返,想追又一直蝕,最後  total lose

睇醫生是因為炒牛熊證心理承受唔住了,需要求醫,好後悔買返衍生工具,但跌市蝕自己又控制唔住。

牛熊男一陣約見了心理醫生。(圖片來源:unsplash)
牛熊男一陣約見了心理醫生。(圖片來源:unsplash)

龔成老師 分析

我20年前,都是短炒者,投機,玩幾年,輸足幾年,當年未算好有錢,相信蝕$10萬左右(其實唔記得),但當年已是全部身價,應該話輸左幾次身家。

之後我明白,衍生工具原本發行商食水好深,散戶只有做水魚,所以,我決定以為唔玩衍生工具。之後只做優質股,長線投資,就開始不斷賺錢。

我之後做銀行同證券行,見大部分輸錢的客,都是偏向短炒、玩衍生工具的!

當然,你問我有無人贏錢,是有的。但就我觀察,長線投資贏錢的人,比短炒的較多。

你這類人,我在過往做銀行時見唔少,因為玩衍生工具輸身家,所以,點解我現時,不斷強調再強調,不要短炒。要買優質股長線持有!

另外,如果你分析全球真正賺錢的投資者、經金經理,佢地都無人短炒,都是長線投資的,巴菲特都是反對短炒的,佢都唔用技術分析。

因此,我相信長線投資,是真正助我地贏錢的方法。

我建議你倍止所有衍生工具投資,你現時同賭錢無分別!

之後,慢慢儲現金,月供一些穩健的股票,或ETF,例如盈富(2800)、高息基金(3110),我相信是適合你的。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

關鍵詞
投資有道