17000點 清倉港股

恒指17,000點叫兒子幫手清倉港股即反彈!呀媽反口發脾氣:你唔識分析?

投資

廣告

本港恒生指數本週一(3日)一度失守17000點關口,低見16906點,創11年新低,但重陽節假期後,週三(5日)全日勁升5.9%,收報18087點,收復18000點關口兼創今年3月中以來最大點數升幅升幅冠絕亞洲市場。如此峰迴路轉的市況通常都會伴隨屠雙邊割韭菜故事…

17000點幫屋企人斬港股

週一,就有網民以「是咁的,今日17000點終於幫屋企人斬哂D港股」為題在連登討論區發文,指自己於恒指20000點時已經叫母親止蝕,並警告港股已死,但母親沒有聽他講,直至當日有新聞報導指投行瑞信可能重蹈雷曼覆轍,準備金融海嘯。

「食食下lunch,收到老母msg,一睇,佢終於肯叫我幫佢賣D股票,仲話冇眼屎乾淨盲,恐怕下面仲要跌多幾千點,而家老母都加入埋清倉派,港股準備慢慢跌啦,嘿嘿。」

17000點 清倉港股
(圖片來源:[email protected]

網民集體狂賀港股見底

貼文一出,網民竟然集體狂賀港股即將見底回升:

  • 「升番同你斷絕關係都似。」
  • 「準備見底升得了。」
  • 「升得,17000點先來斬唔差在插多5000點如果插到。」
  • 「通常即刻反彈冇回頭。」
  • 「多謝樓主,港股終於有希望。」
  • 「都去到萬7點,近20年底位,你先黎放,你真係唔識嫁wo。」
  • 「Ching有料到,夜期即彈。」

呢個位先放都真係傻傻哋

  • 「坐咗咁耐呢個位先放都真係傻傻哋。」
  • 「叫你媽即刻將啲錢買哂美國相信你同你媽都唔敢,姐係自己強平自己,又唔係真係換艇,俾你媽捉個底先入就死得。」
  • 「出單新聞就嚇窒你,我估你連雷曼爆煲點解影響個市都未知。」
  • 「低位先放係咩玩法。」
  • 「收到風禮拜三會爆升。」
  • 「明知跌仲唔買put輪?覺得升仲唔買call輪?一野幾十倍槓桿炸落去丫嘛,事實係根本就唔會知下一秒係升定跌,大家只係係賭場買大細。」

今次真係要賣既人賣晒

  • 「依d post最好睇,通常第日就轉燈。」
  • 「有樓主呢一句,即時按左層樓 all in。」
  • 「今次真係要賣既人賣晒。」
  • 「呢個時間你先斬,呢d唔係止蝕係onX。」
  • 「講真玩開港股一定係有感情,今次一萬七,撈左幾十萬,睇下邊個笑到最後。」

港股收復18000點關口

不幸的是,網民的嘲笑果然發生,在樓主出post後下一個交易日(10月5日),港股全日勁升5.9%,收報18087點,收復18000點關口兼創今年3月中以來最大點數升幅升幅冠絕亞洲市場。

樓主再次以「呀媽自己話止蝕,而家發哂老脾,可以點部署?」為題貼圖出post,圖中可見,樓主母親緊張地問樓主是否已經將賣曬,大鬧樓主不懂分析,並叫樓主即刻重新買入。

雖然大家都不相信以及高手速發訊息給樓主的是auntie本人,但一致認同最緊要大家睇得開心,有網民更笑言:「話左一定同你斷關係。」

延伸閱讀:港女淘寶木櫃得返一堆木板 店主「安撫」用想像力砌櫃:沒有說明書的,乖乖

限時福利-3個月免費電子週刊訂閱

即到經一App享用

兌換步驟

1. 下載「經濟一週」App
2. 打開App內「週刊」專區
3. 按「立即訂閱」
4. 按「輸入優惠碼」
5. 輸入「EDNEW2022」並按兌換

完成!!

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

常見問題

恒生指數今日收市見?

恒生指數今日收市是…詳情請看

事主對港股有什麼看法?

於恒指20000點時已經叫母親止蝕,並警告港股已死,但…詳情請看

圖片來源:[email protected]