80後擁10萬元現金加股票 波動市下重訂投資策略 | 龔成信箱

80後擁10萬元現金加股票 波動市下重訂投資策略 | 龔成信箱

今次龔成信箱,有讀者問龔成股票,包括長建(01038)、長城汽車(02333)外,還有物業買賣策略。

撰文:龔成

30歲有10萬現金及股票 如何部署

問1:

龔成老師,我今年30歲,現有10萬現金,另持股票組合如下

1) 388 港交所($201.4買入)

2) 700 騰訊 ($327買入)

3) 1038 長建 ($76.5買入)

4) 1928 金沙 ($36.5買入)

5) 2638 港燈 (分柝招股時獲分配1手,5.45)

現在除了1038之外,其他都有獲利,想問龔成老師我應該繼續持有以上股票,加持以上股票還是先獲利??

(P.S. 多謝龔成老師推薦金沙,本人是看了老師的推薦才了解到這股票的)謝謝!!!

成兄你好,我之前一直短炒,但最近我開始聽你講,長線投資,揀一D有價值的股

不過,我仍然唔能夠掌握得好好,成日會諗,如果果隻股高位放左,低位入翻,咁應該有更大的回報,不是嗎?

龔成老師:

其實你仍未掌握長線投資概念,我投資,其實是長期買入企業,等企業慢慢增值,中短期的股價上落,其實可以唔理。

你可能見到d股價上上落落,回頭睇,會想「當時在高位放了,之後在低位入翻」就好,呢類係事後孔明,有好多野,以為好易,其實好難,捕捉股價其實好難。當你的投資經歷愈多,你就愈發現,買入後長期持有,反而最賺錢。(對照龔成信箱Q4424)

短炒股票比長線投資更好?

問2:

你好,之前問過你問題,我仍覺得短炒有價值(雖然開始有長線投資),因為我短炒,一個月都有2%回報,即是一年24%,好似比長線高喎

龔成老師:

每個月有2%的回報,其實十分高,但我對這個高回報率好有保留,你唔好單單用短期股價去計這回報,因為這只是過去,將來是否持續無人知。

好多野你地都見唔到,但我之前做左銀行及證券行10年,見到好多客短炒,一兩年真係賺到唔少錢,但永遠都係,長期見佢總會輸翻,個個都係咁,所以,2%月回報好高,但一定不能長期持續,你要小心。(對照龔成信箱Q4425)

3隻潛力股票幾時派息

問3:

我想問這幾隻股票幾時派息

1177

285

1448

龔成老師:

呢3隻都是潛力股,應集中在股價及企業增值上,派息不是重點,你睇佢的股息率都不足1%,不是收息股。佢地每年都會派息的,你上財經網就睇到,慢慢會公布今年的派息時間(不過,投資這些股,重點絕不是股息)。

當企業處增長期,佢會將資金用作再投資多過派息,因為再投資能為股東帶來更大的長遠利益。(對照龔成信箱Q4427)

非自住樓賣樓時機

問4:

老師,你話過如果一層自住樓,不要賣,咁掉轉講,如果我唔只一層樓,就是賣樓時機?

龔成老師:

部分正確啦,因為可將資金投資其他資產,我地會比較不同類到的資產,回報率如何,應該如何分配。現時物業的投資價值不高,投資其他仲好,所以若持有過多物業,就應將部分轉到其他類別。

港樓有少少貴,但不是好貴,因為香港供應,長期仍然唔夠,所以樓價在中短期,有可能因加息或其他因素回落,但不多。但在長期,我仍是睇升,這是原於需求仍大,長期供應卻不足。(對照龔成信箱Q4428)

月供$8000有何優質股票建議

問5:

月供$8000,有咩優質股建議呢?

新手求推薦

龔成老師:

要睇你自己的年齡同風險承受程度,如年紀較大、風險承受程度較低的,可以較集中供收息型股票。否則,供盈富(2800),再加其他平穩增值股,例如金沙(1928)、中銀(2388)、港鐵(0066)、領展(0823)、長建(1038)、煤氣(0003)等,都可以。

但現時的市況不平,如果你每月可儲$8000,那就不要供盡$8000,供$5000就可以了,餘下要儲下現金,若然出現股市下跌,你有資金可以買貨。(對照龔成信箱Q4429)

長城汽車的投資價值

問6:

老師,想問02333長城,有投資價值嗎?

龔成老師:

長城汽車(2333)有投資價值的,但要留意佢的盈利有點波動。之前的生意一直有不錯的增長,但近年盈利卻略有波動,長期的投資價值正面,但投資時最好就分注進行。(對照龔成信箱Q4430)

編按:龔成是於公屋長大的80後青年,畢業後於銀行從事投資相關工作,雖然月薪僅萬多元,但因為理財及投資有道,只花五年時間,於28歲已累積到100萬元資產,目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》,並出任創富課程導師。

facebook專頁:facebook.com/80shing

個人網站:80shing.skx.io/

延伸閱讀:

90後有$9萬積蓄 想用$6萬投資錢搵錢

80後擁10萬元現金加股票 波動市下重訂投資策略 | 龔成信箱

李嘉誠原來係科網股高手 買Facebook 雷蛇勁賺
賺錢,投資,理財 理財入門