分享至
    【iBond】半日最多賺960元 有人暗盤100.7元賣咗 網民: 點都唔會依家放

    【iBond】半日最多賺960元 有人暗盤100.7元賣咗 網民: 點都唔會依家放

    政府發行的新一批通脹掛鈎債券(iBond)今日(24日)首日掛牌,開市報102.8元,較上市價100元高2.8%;盤中高見103.2元,升3.2%;中午收報103.1元,升3.1%,每手帳面賺310元,成交額22.62億元。昨日(23日)有人在暗盤時段以100.7元低價出售所持iBond,亦有網民表示在103元以下水平大手入貨,還未賣出所持iBond的讀者又打算如何操作?

    撰文:經一編輯部| 圖片:富途截圖、連登討論區、am730

    即日沽最多賺960元

    今批iBond最終發行額上限為200億港元,每人最多可獲分配3手,最低保證派息2厘,換言之,如果長揸3年,每手穩賺600元。如果即日沽出,以今日早市計,每手最多帳面賺320元,3手袋960元。

    【iBond】半日最多賺X元 有人暗盤100.7賣咗 網民: 點都唔會依家放
    昨日暗盤最低成交價100.7元(圖片來源:富途截圖)

    有人暗盤100.7元沽

    昨日(23日)富途暗盤時段最低價驚現100.7元成交,有網民笑指該名投資者是否想打107元,卻打錯字鑄成大錯。

    此外,有網民以「102.6賣嘅人有冇讀過債券定價原理」為題在連登討論區發文,表示對於在暗盤時段以102.6元或以下出售持股的行為感到不解,帖文一出,隨即引起網民激烈討論。

    網民:今年通脹 點都唔會依家放

    • 「今年通脹,點都唔會依家放,就算佢通縮都唔止呢個價。」
    • 「上年嗰隻今日(昨日,23日)收市價都有102.9。」
    【iBond】半日最多賺X元 有人暗盤100.7賣咗 網民: 點都唔會依家放
    (圖片來源:連登討論區)

    網民:低過103掃返廿手先

    • 「諗住低過103掃返廿手先。」
    • 「有閒錢唔冒險個啲根本103樓下入係安全過乜(咁當然大把人覺得特衰會違約啦)。」
    • 「102.8入多咗6手 賺多2餐m記加大。」

    網民:唔想俾孖展息咪即日走

    • 「你知唔知咩叫時間成本?」
    • 「100%孖焗沽。」
    • 「1蚊都唔駛0成本抽3手,唔想俾孖展息咪即日走,賺幾百我仲要計?為左百零蚊我入返3皮落去壓住我又覺得無謂,偷下位買下股仔好過啦。」
    • 「我都係102.95放,根本冇得唔放,全部孖展返黎。」
    • 「全部孖展買,有賺咪夠,你理得我。」
    • 「連登個個都股神,秒秒鐘幾十萬上落,個機會成本係幾百萬,點會志在102.6定103.6。」

    延伸閱讀:iBond|明日正式上市 長揸短炒派息回報攻略

    延伸閱讀:【賣iBond教學】 每人最多獲派3手 銀行、券商即日沽出手續 場外交易或轉倉至股票市場有何分別?附滙豐、恒生、耀才例子

     

    免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。