S&P年均賺10% 再加埋NVDA ︳為何我明天還要上班︳諗sir專欄

複利可以發大達

VOO和QQQ是S&P500/NASDAQ的ETF。以2012至2024年來SPP500指數，平均每年回報為10%(下圖)。計入通賬計實質回報，過去10年計都有8.9%。即是將資金投入美國S&P500的ETF很容易將你的資產直線每年乘1.10升。將1.10複利10至20年肯定可以發大達!

但咁簡單既方案，將本金掉在VOO每年增長10%連保險複息都唔夠佢強，理應大家已發達或最少唔使返工，香港的失業率為何急升才是? 為何現在失業率仍是3%水平，這麼多人仍然甘心上班呢?

股市賺錢要本金大

股市要賺錢，尤其要過百萬去賺大錢改變生活模式，本身所持有的本金一定要大。大家有冇睇過節目「百萬富翁」? 觀眾如果答對題目，你所得的獎金會被翻倍。但贏到多如25萬的觀眾，往往選擇即時拎25萬走而唔再博下條題目將獎金翻到50萬。節目推出後拿到過百萬的款項的人也不多。人性就是寧願放棄再賺翻機會，都唔想實輸。所以股票10萬贏到40萬去止賺的大有人在，而坐到升10倍賺過百萬的少之又少。既然開始之前都知道靠股票賺唔到過百萬，而一旦輸錢坐貨就壓死資金浪費機會。

買股票山就是投資落一盤生意。一盤生意做得好自然會有人抄，競爭者多自然令佢賺得比之前少。市場就是這些調節的。撰文昨晚，美國龍頭股NVDA單日跌了5.6%，同時看看下圖S&P近半年走勢

23年11月前中石油(黃線)跑贏S&P500(陰陽燭)

23年11月至24年1月中: S&P500跑贏中石油

24年2月至3月: 中石油已開始跟上S&P500走勢

不是叫大家買中石油，尤記得2007年我吃早餐看著巴菲特12蚊開始沽中石油人人笑佢傻而857最後升到20蚊附近見頂，顯然股神之所以謂股神，不是他能活悉先機，而是他有資本之餘更守著「凡是不可賺盡」的道理。一盤生意都有「生老病衰」的週期。NVDA如日中天，自然會引人抄襲。今次想自己造晶片而飛起NVDA的，更是其上游用家。OPENAI創辦人SAM就想利用其名氣集資自己出晶片。因此「好」股票賺就只係一浸，不要相信有股票可長放長賺。