住太平山最高的街︳林夏薇被入稟申請破產 傳欠租山頂15億豪宅 牌底係咩︳凍鏈茶專欄

佢老公莫贊生身份神秘，被指身家高達20億，係多間私人公司同埋上市公司股東。然而，他真正做咩就無人知，坊間都係單憑佢住呢間山頂豪宅，而認定佢係上等人。 呢間位於山頂柯士甸山道八號豪宅聲稱市值HK$15億，但其實佢哋只係租客，租金由$8萬至$20幾萬不等，一個高級行政人員都租得起嘅地方。

太平山最高的街

The Mount Austin 位處山頂太平山最高嘅街，2002年建成，一共12座，共78個單位，其中八間係豪華獨立屋，有獨立室內電梯同泳池，而且租金性價比甚高，單位三房起，另外有多間工人房、儲物室，儲物室面積分分鐘大過普通市民屋企，最重要係可以有個體面嘅地址，招呼朋友、社交見客，充大頭鬼一流。

被屢傳欠債

莫贊生近年被屢傳欠債，仲俾人貼街招要佢「欠債還錢」，不過林夏薇澄清並非事實，並嚴正聲明會追究到底。今次對於被申請破產一事，林夏薇回應指：「正在上訴中，所以我都莫名其妙。」其實，林夏薇係林峯堂妹，林峯老豆林華國有「廈門李嘉誠」之稱，喺內地經營建材及房地產，名下亦擁有多個屋苑及商場，資產保守估計至今超過30億元。加上以林夏薇視后嘅身份，肯做嘅話，憑自己能力租個十幾萬豪宅，應該都唔係難事。有指鄰居話佢哋四月已經搬走，人去樓空。究竟呢個局，牌底係咩，林夏薇真傻定扮懵，相信之後會被傳媒愈揭愈多。 只可以講，住入山頂呢個屋苑，小心高處不勝寒。