打一世工只為上車做業主 換來幾百呎蝸居值唔值得?樓奴:絕對值!賺幾百萬可以移民退休嘆世界

打一世工只為上車做業主 換來幾百呎蝸居值唔值得?樓奴:絕對值!賺幾百萬可以移民退休嘆世界

香港樓價高、上車難,是老生常談。有人認為做一世「樓奴」不值得,有人卻覺得勞碌一世,連一層樓都買不起更可悲。日前,有人就「上車」問題於討論區發文,質疑打一世工,僅換來幾百呎蝸居是否值得。帖文一出,引起網民兩極討論。

撰文:經一編輯部|圖片:連登討論區、Unsplash

樓主:打一世工 換來幾百呎蝸居值得咩?

日前,有網民於連登討論區以「打一世工,換來幾百呎蝸居,值得咩?」為題發文,指不少人為了上車,死慳死抵、努力工作,換來的只是幾百呎的蝸居,樓主質疑是否值得。

打一世工只為上車做「樓奴」網民:換來幾百呎蝸居值得咩?
圖片:連登討論區

網民:無樓才是人生贏家

帖文一出,引起網民兩極回應。部分人認為買樓並不值得,皆因供樓壓力大,甚至有人指出「無樓才是人生贏家」。

  • 「根本唔買樓嘅話,人生輕鬆幾百倍,所以愈來愈多人結咗婚都分開住,仔都唔生。」
  • 「真係要打一世工先買到樓的話就量力而為,唔好夾硬嚟。租樓、同屋企人住、移民都係出路。」
  • 「想知無買樓生活有幾寫意。」
  • 「無樓人生贏家。」
  • 「打一世工,幫人供一世樓,生活愉快又輕鬆。」
打一世工只為上車做「樓奴」網民:換來幾百呎蝸居值得咩?
部分人認為買樓並不值得,甚至有人指「無樓才是人生贏家」圖片:Unsplash

買樓比交租平?

雖然有網民認為買樓不值得,但部分人卻持相反意見,指出買樓能夠升值,更有人表示就算不置業,依然要打工,「講到唔買樓唔使打工咁」。

「點解買得樓一定覺得要供足30年。十年前買樓,依家住足十年免租,住到殘曬再放出去賺幾百萬,再諗套現移民又得,有幾慘?」

「其實供樓大概一半係利息,一半係本金。當你供$15,000,大概$7,500息,另外$7,500係儲錢俾自己。支出$7500有樓住,其實係平過交租。明就明啦。」

  • 「值,有眼光,層樓今日700萬,三年後998萬,扣使費咁就賺咗兩球幾。」
  • 「有咩咁出奇?我9年前買將軍澳樓,400萬左右,而家都去到七百萬以上,仲要收足咁多年租…乜有得輸咩?」
  • 「唔記得講,我收租每個月都夠哂cover供樓有突。9年如是,我都唔記得收咗幾多租。」
  • 「銀行壓力測試咪確保咗供樓唔會為你帶嚟太大負擔 。」
  • 「難聽啲講以前買咗,住咗幾十年,仲賺幾百萬,移民去外國退休嘆世界。」
打一世工只為上車做「樓奴」網民:換來幾百呎蝸居值得咩?
部分認為買樓是一種投資。(圖片:Unsplash)

網民撐值得:正常邊個唔係打一世工

甚至有網民認為,沒有買樓,一樣要打一世工,反問「打一世工,換唔到過百呎蝸居,值得咩?」

  • 「正常邊個唔係打一世工,蝸唔蝸居睇你收入幾多啫傻仔。」
  • 「就係因為無買樓先要打一世工。」
  • 「無樓咪又係打一世工。」
打一世工只為上車做「樓奴」網民:換來幾百呎蝸居值得咩?
圖片:Unsplash

網民感嘆租樓仲慘:每個月畀人合法打劫咗萬幾兩萬蚊

有網民指出在香港選擇租樓比起買樓供樓更慘,認為「到頭來租就交咗,樓又無」,亦有人認為買樓雖然不值得,但是「唔買嘅話,出去租樓就會每個月畀人合法打劫咗萬幾兩萬蚊」,相比之下更加不值得。

  • 「打一世工,租一世樓,值得咩?」
  • 「有公屋就係。租樓又係一樣慘,到頭來租就交咗,樓又無。」
  • 「十年後啲租加一倍,供樓仲係嗰個數。」
  • 「打一世工,幫人供幾百呎蝸居,值得咩?」
  • 「有時你想租一世都未必得。」
  • 「如果你無父幹,屋企無物業,咪一樣係租人樓捱貴租有咩分別?」

「你唔買樓都要租樓啦。除咗公屋,出去租樓等於供樓咁滯。你以為業主真係蝕本價租畀你咩?就算蝕都係蝕少少,但供斷之後,層樓就係人哋嘅。而且賣樓係唔需要供斷先賣得㗎喎,覺得有賺又有人買,就可以賣出去。」

「以前啲人有買樓,今日就算點窮,都可以加按個首期畀仔女上。無買做租嘅,今日都無錢畀仔女上車,成家一世窮。過去幾十年無咩邊個買自住樓帳面無賺。」

打一世工只為上車做「樓奴」網民:換來幾百呎蝸居值得咩?
網民指出在香港選擇租樓比起買樓供樓更慘。(圖片:Unsplash)
劏房港女上車實錄﹕

人各有志 買樓、租樓屬個人選擇?

雖然網民持兩極意見,但有網民保持中立。有人認為打一世工,換來「幾百呎係值嘅,百幾呎就慘啦」,亦有人指出「有能力買到樓嗰陣,咪盡力」。不過,有網民勸樓主不應比較,因為人各有志,選擇供樓時是個人選擇。

「人各有志,你理得人,好似有人鐘意食米線、有人鐘意食飯,佢買樓又唔使你供,又阻唔到你。」

延伸閱讀:死慳死抵為上車做「樓奴」vs 租樓排公屋再年年去旅行 網民:10年後會有咩分別?

延伸閱讀:「樓奴」每月辛苦供樓 被朋友嘲笑「唔識享受人生」 網民安慰:過多10年,佢哋只能羨慕你

關鍵詞
樓市點睇