樓市有排跌?唔使咁灰!

樓市有排跌?唔使咁灰!

朋友: 「慘囉!香港樓市有排跌。」
筆者: 「咁又唔使睇得咁灰。」

朋友: 「新聞話,香港貨櫃吞吐量創13年新低。」
筆者: 「大陸咁多貨櫃碼頭爭生意,好正常啫。」
朋友: 「自由行大跌,零售業、旅遊業寒冬喎。」
筆者: 「2004年以前,我哋都冇自由行,靠外國客架啦。」
朋友: 「大陸經濟又差,中、港股市又係咁跌。」
筆者: 「好在近年香港人學精咗,好少瞓身炒燶股。」
朋友: 「美國又進入加息週期,將來供樓負擔又大咗。」
筆者: 「係架,要有心理準備,不過應該唔會加太多。」
朋友: 「總之好多負面因素啦,今次死梗啦!」
筆者: 「次次跌市都有好多負面因素架啦,唔係點會平?」

朋友: 「乜你唔驚架咩?」
筆者: 「其實人係唔會坐以待斃嘅。」

今天,經濟下行,樓市下跌,是事實。

筆者並非盲目唱好,事實上,2015年初當時全城唱好,每天都是破頂、創新高報導的時候,筆者已經表示支持爆煲論,因為很多物業已經被過分炒高,筆者稱之為高溢價物業,需要較深度的調整。今天全城唱淡,講到香港就嚟滅亡咁,筆者反而覺得不必過分悲觀。

人有自救本能 不會坐以待斃

如果一個人被裁員,難道他會躲在家裏等餓死?總會找過另一份工作吧,即使新一份工未必有以前搵得咁多,又未必有以前咁高級,但馬死落地行,捱住一兩年先,等機會再發圍。2003年的時候,賤物鬥窮人,2008年的時候,到處裁員減薪,還不是捱過了?

最近自由行下跌,不但人數下跌,人均消費下跌幅度更為明顯。以往人頭湧湧的國際品牌專門店、高級消費店舖,生意大不如前,部分門市甚至已經結業。難道店舖就會一直空置,從此不做生意?

曾經有一段時間,旺區的確有很多吉舖,最近情況已明顯有所改善,業主開始接受現實,狠狠地減租,市面又再熱鬧起來。例如名貴鐘錶店撤退,有靚靚化妝品店進駐;靚靚化妝品店撤退,有美味食肆進駐。

是的,租金的確下調了不少,經濟生產總值亦下跌了,以往賣一隻名貴手錶動輒幾十萬元,前線銷售同事每月佣金動輒十萬、八萬元,今天做食肆一整天生意都未必有十萬元,同事們可能只賺到月薪萬多、兩萬元,那又如何?最少人們還在努力,賺少啲、食少啲、著少啲吧了!

面對跌市的正面態度

又例如外界對大陸經濟看得很淡,講到好似患絕症咁。2008年,美國何嘗不是面對自1929年以來最嚴重的經濟衰退嗎?不是走出谷底了嗎?

大陸自上世紀八十年代改革開放之後,靠廉價勞動力,成為世界工廠。經濟起飛,當人民收入提升,生產成本增加,基數提升,GDP總不可能繼續以每年8%的速度增長,經濟放緩是必然的,難道政府不會刺激經濟,任由經濟繼續下滑?

升市總有頂,跌市總有底!面對跌市,恐慌、逃避是負面的,無助於將來。正面的態度是客觀分析,理性評估,跌到甚麼水平,才足以反映種種的負面因素?如何能捕捉今次跌浪,賺取豐厚回報?