分享至
    【蝸居考驗】納米樓夫婦大想頭 寧瞓露台「夾硬」生B惹負評:阿仔實憎你一世!

    【蝸居考驗】納米樓夫婦大想頭 寧瞓露台「夾硬」生B惹負評:阿仔實憎你一世!

    早前,有機構及網站統計發現,全世界以澳洲人均居住面積最高,達960平方呎,美國以832平方呎排第二,至於以生活空間狹小「聞名」的香港,人均居住面積只有161平方呎,遠比深圳、新加坡為低。令不少二人家庭因居住環境有限而擱置生育,亦有夫婦無懼蝸居限制,扭盡六壬為家人爭取居住空間。

    撰文:經一編輯部| 圖片:unsplash、中新社

    人均居住面積僅161平方呎 落後深圳及新加坡

    早前,團結香港基金研究與外國網站進行統計,得出全世界最高人均居住面積為澳洲,人均居住面積高達960平方呎;其次是美國的832平方呎。

    至於香港人均居住面積只有161平方呎,意味3人家庭居於483平方呎的單位才算合格;相比之下,鄰近的深圳人均居住面積為300平方呎、新加坡則為270平方呎、東京的人均居住面積亦有210平方呎。

    另外,房委會公布統計數據,本港現時有127.2萬伙公屋,公屋租戶的人均居住面積增至145平方呎,較5年前的141呎和10年的137平方呎有所增加。

    「兩個人住都覺得逼,覺得間屋好細,成日都好多人咁,撞口撞面見到有人行嚟行去好有壓逼感。」

    有政黨建議將香港人均居住面積由161平方呎,增加至200平方呎,又重建舊式屋邨、加快市區重建等方式解決存在已久的房屋問題。

    有統計指,香港人均居住面積只有161平方呎。(圖片來源:unsplash)
    有統計指,香港人均居住面積只有161平方呎。(圖片來源:unsplash)

    網民:住一房適唔適合生小朋友?

    日前,網上討論區有網民發文「究竟住一房單位適唔適合生小朋友」,指自己與妻子現居住一房新樓單位,實用面積340平方呎。

    樓主表示,若扣除露台工作平台及門口走廊位,單位實際活動空間只剩約200多呎。

    「究竟住一房單位適唔適合生小朋友」的想法,主要是樓主夫婦同屬上班族,如果想生小朋友,便需要在家中預留BB床位,卻擔心:「再請埋工人姐姐,可能要企喺露台度瞓。」

    一房蝸居再起閣樓?

    面對生育和居住的人生抉擇,樓主發文請教「呢個情況係咪應該換新界兩房?」如果待新樓SSD辣招過後,市面上已經有好多放盤,還是「喺屋企起個閣樓就算?」

    「把你的單位放租,然後租過大啲的單位,實行對租。」

    • 你預咗轉子母床,老母同仔訓下面,自己訓上格,工人瞓廳
    • 我覺得生仔最低門檻一個一間房
    • 300尺都無想住3大1細
    • 新樓居住環境仲要同隔離公屋差唔多
    • 你當初買咁嘅單位做乜?
    • 生仔?供完層樓都五十幾,攞首期幫個仔買樓都無。只係無間地獄
    網上討論區有網民發文「究竟住一房單位適唔適合生小朋友?」(圖片來源:中新社)
    網上討論區有網民發文「究竟住一房單位適唔適合生小朋友?」(圖片來源:中新社)

    「唔好害小朋友同工人!」

    樓主回應指,原來自己曾經睇過沙田第一城放盤,但覺得「舊咗啲」,於是選擇抽新樓,樓主坦言「依家諗落可能當初買第一城仲好」。

    「而家工人唔易請,你無間似樣少少嘅房都真係未必請到。」

    • 工人唔可以瞓廳或者廚房
    • 一房唔好諗有工人同你做
    • 咪害咗工人啦
    • 住得咁壓迫,個工人一定好快跳槽轉工,唔會做得長
    • 想個仔4歲有抑鬱?
    • 唔想個仔憎你就唔好生啦

    樓主面對人生抉擇,有網民順勢分享個人經歷:「5年前一直住460呎單位,生了小朋友後,『覺得有排都需要換樓』。」

    不過,隨著小朋友長大,家中雜物愈來愈多,簡單「多到你唔信」。最後本來兩個人輕鬆住460呎單位,變了3個人「亂葬崗」一樣。

    延伸閱讀:【細價樓開綠燈】沙田第一城業主賣樓遇教友 「教會恩典價」成全弟兄做業主

    延伸閱讀:深圳賽格廣場大廈事隔113日「愛回家」 大橫額夾道歡迎商戶回歸:一點都不擔心安全!