住客過年收保安員$100大利是 網民:可能想謀咗你層樓

住客過年收保安員$100大利是 網民:可能想謀咗你層樓

熱話

都市傳聞過年前後大廈保安員總會特別好禮貌,因為住客通常會派利是給保安員,不過,日前有網民就在討論區分享樓下保安員派利是給自己的經歷,有網民嘖嘖稱奇,亦有不少網民指這很平常。

每年畀$50 今年畀$100

日前,有網民以「樓下管理員畀咗封利是我」為題,在香港討論區發文,指「佢年年都畀我,有幾年我叫佢唔好畀,佢係都要畀我,利利是是,我唯有照收,每年佢都畀50,我話求其啦,十蚊咪算啦,今年100蚊。」

 住客過年收保安員$100大利是 網民:可能想謀咗你層樓
(圖片來源:香港討論區截圖)

有人質疑樓主作故仔

樓主又補充,可能自己人緣好,「隔離鄰舍都畀利是我,有時仲畀湯我飲。」

帖文一出,隨即引起網民熱烈討論,有些人認為樓主作故仔並質疑樓主:

  • 「做咗幾10年人未聽過管理員封利是俾住客。」
  • 「暗示要加管理費。」
  • 「咁富貴仲做secure?」

網民:想謀咗樓主層樓?

有人懷疑因為樓主靚女,又或者是保安員覺得樓主比自己更窮,甚至是打算謀咗樓主層樓所以才給利是樓主:

  • 「可能妳係靚女都唔定!」
  • 「樓主一定係靚女,看更一定係咸濕大叔,事情就變得合理。」
  • 「佢覺得你窮過佢。」
  • 「到時照顧得你好,可能轉名俾埋層樓佢。」
 住客過年收保安員$100大利是 網民:可能想謀咗你層樓
(圖片來源:[email protected]

網民:管理員有過千萬身家

不過,亦有不少網民留言撐樓主所言可能屬實,因為現在不少管理員都很有錢,亦有網民分享自身收到管理員甚至清潔姐姐利是的經歷:

  • 「有啲管理員根本有錢退咗休過日晨唔奇。」
  • 「管理員有過千萬身家周街有,層樓供完 ,做野買花戴。」
  • 「我上年都見保安姐姐封畀小朋友。」
  • 「我信,因為街邊幫車主抹車的姐姐(都成70~80歲),年年都封利是畀我。」
  • 「係我屋企附近埽街阿姐(平常有2句),又係堅持畀利是我(正常$20),我返屋企攞支值$10左右既椰汁回禮!」

「管理員都係人,唔好分得咁清楚,唔好睇唔起任何人,我樓下有幾位管理員都畀利是我,有一位已經冇做開一間茶餐廳,佢有兩間接近2000萬嘅樓,佢哋做保安是過日晨。」

「今時唔同往日,而家屋苑d保安有大學畢業,有d有樓收租,有後生靚女做保安,有d分分鐘有錢過你,最主要係打發時間,出面d工作d人太險惡,又埋堆,又擦鞋又辦公室政治,又踏人,保安冇呢樣野,我就係炒股有幾球高學歷保安。」

延伸閱讀:中資東倫敦金融區恐爛尾收場 3萬就業機會吹大咗 停工兩年3月將失控制權

延伸閱讀:百億富三代鍾培生再做財神「利用與生俱來嘅缺陷去幫人」 銅鑼灣豪派10萬蚊利是

美股、加密貨幣成新趨勢,想了解但無從入手﹖港股又點做先可以趨吉避凶﹖經一全新推出patreon訂閱號【經一共肥計劃】,訪問業內專家獨家俾料,提供深入淺出分析;影片、專欄、文字報道各適其適。而家有早鳥優惠,每月10美元,點擊連結,就可以早訂早享受﹗

【共肥不自肥,賺錢預埋你﹗】

patreon訂閱號【經一共肥計劃】

https://www.patreon.com/EDfattogether?fan_landing=true

圖片來源:[email protected]