兩間房大細相差一倍 一仔一女點分房好?網民意見兩極:女仔多嘢啲應分大房 vs 唔應該偏心

兩間房大細相差一倍 一仔一女點分房好?網民意見兩極:女仔多嘢啲應分大房 vs 唔應該偏心

家有一子一女,屋企三房理應容易分配,一間房予父母,子女一人一間房。偏偏事情不是這麼簡單,討論區有媽媽發帖,指餘下的房間一大一細,大房是細房的兩倍,請教廣大網民分配起上來怎樣才算最公平。

有一批網民傾向將大房分配給女兒,因為「女仔會多嘢啲」。另一邊廂,有網民認為分配起上來難同時滿足兩名小朋友,難免讓其中一方覺得偏心,便提出另一方法;更有網民提出應以「先到先得」的方法分配,究竟怎樣執行?

撰文:經一編輯部|圖片:unsplash

大房畀阿囡:大個咗會多嘢過男仔

樓主在討論區《親子王國》開帖指,最初曾打算其中一間做小朋友的睡房,另一間做遊戲室,但不想10年後又要再花費重新裝修,所以現在想直接分配一人一間作罷,惟不知如何分配才好。

「如果一仔一女,A房間係B房間嘅兩倍大,你哋會點分配?本來想一間作為睡房,一間作為遊戲房,但10年後又要重新裝修,唔想浪費錢。而家想一人一間房算,唔知大房應該畀邊個。」

事實上,不少網民均回應支持樓主將房間分配給女兒,理由不外乎認為女兒的物品和衣物會比兒子多,認為女兒會需要更多空間;又指,正常來說女兒會比較整潔,如果將大房分配給大兒子只會徒添媽媽的家務工作量。

「女大啲,因為女仔多嘢過男仔,男仔房大啊媽執餐死,女仔企理啲(正常計)。」

【網民獻計】兩間房大細相差一倍 一仔一女點分房好 女仔多嘢啲應分大房?應先到先得?
網民:女仔多嘢過男仔。圖片:unsplash

有網民稱自己屋企曾經面對相同難題,結果亦是將大房分配給女兒,而在兩個小朋友依然相處融洽:

「我個女係大女,又無咁整齊,畀左間大嘅佢,而且女仔又會多衣物一啲。仔無炸型,仲覺得自己雖然地方細,但管理得好而自豪。有時,佢地又會約埋一齊响對方嘅房度玩同過夜。」

男生只要夠空間做「宅男」便可?

除個人物品和衣物外,更有媽媽認為,女兒獲分配大房的話便可邀請閨蜜,哥哥只要夠空間做「宅男」便可。

「其實女真係多啲嘢,又叫佢啲閨蜜上來,畀哥哥細房,佢而家夠哂佢做宅男,位置又夠佢放心愛嘅東西。」

【網民獻計】兩間房大細相差一倍 一仔一女點分房好 女仔多嘢啲應分大房?應先到先得?
男生只要夠空間做「宅男」便可?圖片:unsplash

有網民認為,男孩子的房間難以「入侵」,若將大房分配給女兒,將來便可將自己的物品放進女兒的房間,更笑稱,兒子的房間較細便難以「偷運」女朋友回家。

「可唔可以偷位令兩間房平衡啲?如果真係唔可以,真係一定一定大細差咁遠,我會畀大房個女,細房畀仔,因為我可以擺嘢係女房。房仔細細,希望阿仔大個唔會偷運女朋友返屋企。」

有支持女兒應獲分配大房的網民便獻計,令這樣的分配能變得較為平衡和公平一點:「大房要講明擺埋書/玩具等共用嘅嘢,唔好被個女大咗以為成間房佢用哂。」大房可以騰出空間擺放公家物品外,更可用作臨時客房,當有親人留家過夜時便睡在大房。

「妹給大房,哥給細房。之前哥哥都有問點解佢嗰間細啲,不過我話婆婆來小住就要去大房share 瞓,哥哥立即冇再出聲了。」

點分都唔公平!最好裝修或重新間房

另一方面,有心水清的網民認為,無論以甚麼理由合理法女兒分大房,都無法解決兩間房空間差距所帶來的不平等。不少網民都認為目前兩間房空間相差太遠不公平,建議樓主應該重新裝修,收窄兩間房的空間差距:「其實男仔都可以有好多收藏品。」

「雖然女仔多嘢,都不能大成倍啩,個仔會感覺唔好。」、「裝修搵人設計得平均啲,公平又唔使煩。」、亦有過來人如此說:「我大女個細仔,由細到大家姐間房都大細佬少少,但原來細佬一直都會介意會比較,覺得我哋偏心,所以我覺得如果可解決到,盡量大細差唔多會好啲。我就喺哥、妹十歲大時將兩間房重新裝修。」

此外,網民建議在大房設下更多仔女會共用的空間,又或是將大房中再間出共用空間。

  • 大房間多間做書房、擺電腦
  • 如果你兩間房爭咁遠,我會 set多一套,共兩套電腦檯响大嘅房間。等佢地兩個可以一齊有共同工作或遊戲地方。
  • 大成倍的話,咁直程將大房一開二都夠兩個瞓,再有一間雜物房都得啦
  • 可唔可以分做3間房, 或大房用櫃分開佢,整個common area出來
  • 兩間房相差一倍咁多,我會將大房間做仔嘅睡房(房中房)+書房,書房共用,細房畀個女,咁仔女都有自己嘅空間。
【網民獻計】兩間房大細相差一倍 一仔一女點分房好 女仔多嘢啲應分大房?應先到先得?
網民建議在大房設下更多仔女會共用的空間,又或是將大房中再間出共用空間。圖片:unsplash

最公平分法:先到先得?

如果仍然覺得上述方法太麻煩,有網民便建議仔女自己商討如何分配:「仔女幾大? 叫佢哋自己傾掂數自己揀房?」更提議可以「先到先得」的方法解決問題:

「否則大房畀大嗰個,先到先得。我就係咁,不過我老公同佢細佬係一出世就自己一間房,我老公間房大過佢細佬間房3倍。如果我唔係生咗細女,我都會係咁分房,而家兩個仔同房,咪將房既大凹位畀大仔放書枱,因為佢升中先要位放書枱先 ,第日二仔用房另一邊放張書枱仔。」

【網民獻計】兩間房大細相差一倍 一仔一女點分房好 女仔多嘢啲應分大房?應先到先得?
先到先得?圖片:unsplash

不知大家覺得網民獻出的各種方法如何,無論如何,一家人在同一屋檐下,和諧生活才是最重要。即使最後採用怎樣的分配方法,重要的還是要好好溝通。

關鍵詞
網民熱話