同事偷雪櫃食物 扮無知 網民:人無恥便無敵

熱話

【網民熱話】近日有網民喺討論區開post「如何對付偷雪櫃食物嘅同事?」,話自己比同事偷咗放喺雪櫃嘅食物,個同事比人發現咗都唔認,仲要話「因為冇痴紙係邊個,以為冇人」。滿心歡喜咁買咗喲嘢食返公司,放咗喺雪櫃,點知比同事偷食,真喺個心都痛埋,各位網民又有咩意見比樓主呢。

撰文:亨利 | 圖片:電視截圖、討論區截圖

樓主:

「有個同事好cheap,偷雪櫃d野食」

「有咩方法可以對付佢」

樓主話發現咗喺邊個同事偷自己放喺雪櫃嘅食物之後,有質問過個位同事,但個同事就話:「因為冇痴紙係邊個,以為冇人。」

樓主就話明明有痴紙,喺同學事cheap,「meet走張紙」,扮無知,樓主誠心希望網民可以教路,得自己可以擊退呢個「小偷」。

網民都話「人無恥便無敵」,提醒樓主「唯有自己小心喲」。

網民嘅建議:

1.裝Cam

有網民話之前都同樓主有相同遭遇,但公司裝咗CCTV之後,就放心放食第喺公司雪櫃啦!

2.報警

有網民提議要報苦處理,仲話之前發生嘅「偷人奶事件」,都喺報警處理,樓主可以參考一下。

3.落瀉藥

亦有網民分享落瀉藥經驗:

「我讀書時都試過被人飲o左d 可樂….最後我加o左d厠所水入去, 第2日都係被人偷飲 XD.」

「唯一方法⋯⋯好似有人提議⋯用針筒打d瀉藥入西餅內」

「落瀉藥太明顯玩野喇,好易冇朋友做同埋公事上玩野,俾我就吊番轉,落速治靈,等佢冇屎屙,谷到返佢自己屋企先噴屎,唔好整臭公司個厠所,如果本身有牙齒印就重藥啲,等佢谷壞要睇醫生灌腸,咁就乜仇都報曬」

4.落染色劑

有位網民分享咗一個好有創意嘅意見,就喺放染色劑落食物到,等個「小偷」食完成隻手同堆個咀都上曬色咁,唔知樓主又buy唔buy呢?

5.心理戰

喺食物盒上面寫番「隨便攞」,同事拎之前可能會驚一驚,最尾唔敢拎!

6.買個私人雪櫃

7.裝警報系統

「放入一個有報警器既盒面,一打開就響到成公司都聽到」
「放件食物入一個類似老鼠籠既箱,一開箱就成個箱夾手夾到啪啪聲,睇佢仲敢唔敢偷野食」

8.請同事食過期食物

 

網民:「我公司有個同事長期放過期食物,最長過期三年。另外有一同事成日請人食野,但佢的野成日過期,拜過奇怪的東西,所以久而久之無人敢食佢的野。」

延伸閱讀:

7歲YouTuber靠玩具開箱 年賺1.7億港元