好人好事|新巴車長逐站提小心落車 乘客形容如搭緊Uber

好人好事|新巴車長逐站提小心落車 乘客形容如搭緊Uber

專營巴士的報站機系統雖然設有各式各樣提示語句,但冷漠的電腦女聲都不及車長「開金口」窩心。有網民日前搭巴士時,指坐在樓上也清楚聽到車長每當抵站,都會親口提醒乘客小心落樓梯、落車,形容車長好禮貌到「以為自己坐緊Uber」。
網民Felix Ng在社交網站Facebook群組「青衣街坊吹水會」發帖,交代上周六(24日)晚上乘搭過海隧巴948線新巴班次往青衣時的所見所聞,笑稱「起初以為巴士公司新裝感應裝置,原來係佢逐次叫」。有同車乘客亦留意到涉事車長的善舉,「我都剛好坐果班,仲叫小朋友慢慢落,唔洗咁心急」、「我坐上面但都聽到個司機講:小心啲袋呀 、慢慢行呀咁樣囉」。

很多網民都呼籲事主不要猶豫,立即去信或致電巴士公司表揚車長,「個巴士司機要讚揚吓,好有愛心」、「打上巴士公司表揚佢」。事主表示只留意到車長姓張,又直言「而家冇人相信,今晚(周日)睇下有冇機會再坐呢班遇番個司機。」
不過,不少人都指出好車長買少見少,「講真嗰句,咁窩心嘅巴士司機真係無乜邊幾個,就算有,都係好極都有限嗰隻!」有網民批評,很多車長「行為品行無品兼粗魯,對客說話談吐又無禮貌」,指試過向車長問路後,獲對方回應「唔知喎!你自己睇個牌囉」,認為不認識並非罪過,「但是語氣亦都要有禮貌啲吖」、「人地乘客無得罪佢吖嘛,咁樣回答人地問題時,唔使咁悔氣答人吖嘛」。

好人好事|新巴車長逐站提小心落車 乘客形容如搭緊Uber
事發於隧巴948線的新巴班次。(非涉事用車,香港巴士大典用戶「ATE LB9544」圖片)

資料來源:AM730

關鍵詞
網民熱話