學生用學費瞓身孖展買GME 股價急瀉遭斬倉 無錢交學費兼欠債:課室都入唔到 唔敢俾屋企人知

學生用學費瞓身孖展買GME 股價急瀉遭斬倉 無錢交學費兼欠債:課室都入唔到 唔敢俾屋企人知

熱話

早前,美國電子遊戲零售商GameStop(美股代號:GME)成為華爾街熱話,在網民追捧下,股價曾暴漲17倍,並刺激全民入市,惟近日股價大幅回落。有位學生於討論區內發文表示,自己用學費做本金孖展買入GME,卻因為股價大跌而遭股票行斬倉。平倉後不但倒欠股票行幾百美元美金,無力繳交學費和償還欠款。帖文一出,引起網民熱烈討論。

撰文:經一編輯部 | 圖片:Unsplash、AM730

學生用學費做本孖展買GME 股價大跌遭斬倉

該學生於連登討論區以「買GME輸咗一大半學費 仲要畀富途恥笑」為題發文,表示自己將全部學費做本金買入GME,卻因為股價大跌遭斬倉。

「上個禮拜用學費孖咗GME,4百幾入,點知回到落百幾畀人斬咗。唔開心到del app……」

他續指,遭斬倉後收到股票行的電話,指其倒欠股票行數百美元。該名學生重新安裝應用程式後發現自己獲得「GME榮譽勛章」,更寫上「交易過GME,見證歷史」,他表示「本身都好頹,一入到去見到呢個,我真係笑唔出……」。

學費到期無力繳交 卻不敢向家人坦白

因為該學生用學費孖展買入GME,他指「尋日學費到咗期交唔到,仲要畀人罰200蚊」,更不敢向家人道出此事,感到不知所措。

「加埋3萬又唔係大數目,不過我已經無能力還。點算好,應唔應該同屋企人講?」

他其後回覆網民表示,因為未交學費,連「返學校Engine Lab上堂都入唔到」,更指出若最後儲不夠學費,打算「扮GPA低要defer(延期畢業)」,瞞過家人。該學生發文更表示希望他人不要重蹈覆轍,要做好風險管理,「如果唔係就搞到周身債」。

學生用學費瞓身孖展買GME 股價急瀉遭斬倉 輸清學費不敢向家人坦白
有學生於討論區內發文指自己用學費孖展買入GME,終血本無歸,更無力繳交學費。(圖片:Unsplash)

該學生遭網民狠批「未學行先學走」

帖文一出,引起網民熱烈回應。不少網民沒有同情他的遭遇,更批評他不應該「未學行先學走」,亦不應拿學費炒孖展。

  • 「未學行先學走,呢啲炒股唔係個個新手掂。」
  • 「叫晒你哋唔好孖展,買正股,無人聽。」
  • 「一早講咗呢隻唔孖得。」
  • 「盡力而為啊嘛,無人叫你孖喎。」
  • 「一直都叫人拎閒錢玩,你係要瞓身,輸都係你自己,無人會幫你。」

「用啲重要錢嚟賭只可以換嚟一句抵死。連幾皮嘢學費都攞唔出,就咪跟人風啦!認死狗同屋企人講啦。」

網民:輸少少當學費

又有網民認為樓主輸少少當在股票市場「交學費」,望樓主經一事長一智。

  • 「好少啦,儲多幾個月錢再嚟過,隔離有個負債40萬,要老破收場。」
  • 「希望樓主經一事長一智。」
  • 「孖完都係輸一大半,咪算少!」
  • 「孖得就自己承受風險,想搏一次發達?輸少少當學費。」
  • 「見證過歷史就得㗎啦,歷史係有價值㗎嘛。」
學生用學費瞓身孖展買GME 股價急瀉遭斬倉 輸清學費不敢向家人坦白
有網民指,見證過歷史就夠。(圖片:AM730)

網民指應向家人坦白

面對樓主的遭遇,有網民建議他應該向家人坦白,直言因為炒輸孖展而defer不值得。

  • 「幾皮嘢同屋企人拆掂佢啦。好少事。返兼職還錢又過一關。」
  • 「揾多幾份補習狂補算啦!」
  • 「為咗咁defer好唔抵,同屋企人傾下啦!」

股民聯手 GAMESTOP股價曾暴漲17倍

有股民在網上論壇Reddit的討論區發起聯手推高一些業績不振的公司的股價,其中包括GameStop。在小股民搶購下,GME股價自1月起暴漲17倍。

GME事件持續發酵,更引起白宮和美國證交會關注。美國多間券商如盈透證券(Interactive Brokers,IB),則限制交易Reddit挾倉股。近日GME的股價卻急瀉,部分網民血本無歸。

學生用學費瞓身孖展買GME 股價急瀉遭斬倉 輸清學費不敢向家人坦白
GameStop的股價曾漲17倍。(圖片:AM730)