房門整花咗少少 被業主扣$2,000按金 租客揚言去小額錢債追討 網民:告到佢畀銀行call loan

房門整花咗少少 被業主扣$2,000按金 租客揚言去小額錢債追討 網民:告到佢畀銀行call loan

每當租約期滿,租客如果要換地方住,搬遷及重新搵樓的開支本身已經好沉重,如果還要被業主扣起部分按金,可說是百上加斤。近日,有網民於討論區發文,指因為將房門弄花了少許,因此被業主扣起2,000元按金,更揚言要去小額錢債追討。

撰文:經一編輯部|圖片:香港討論區、Unsplash

弄花房門被扣2,000元按金

日前,有網民以「俾(畀)業主扣2000蚊」為題在香港討論區發文,貼出房門圖片,並指「退租,因為道門花左少少,業主話扣2000蚊,咁合理嗎?」之後樓主補充,該道門是油漆門,如果業主最終真的扣2,000元按金,就會去小額錢債審裁處追討。

房門花整咗少少 被業主扣$2,000按金 租客揚言去小額錢債追討 網民:告到佢畀銀行call loan
樓主指房門花整咗少少,被業主扣$2,000按金
房門花整咗少少 被業主扣$2,000按金 租客揚言去小額錢債追討 網民:告到佢畀銀行call loan
甚至揚言會去小額錢債審裁處追討

網民:個業主太小家

帖文一出,除了小部份網民表示樓主真的弄壞了業主的門,以及有些屋苑要指定判頭維修之外,大部份網民都紛紛表態力撐樓主:

  • 「如果普通房門就唔合理,因為換過一隻都唔洗$2,000」
  • 「樓主個業主太小家了。 花咗少少其實好小事。」
  • 「咁個業主真係衰啲喎~ 油漆門少少花補補油就得啦~」
  • 「如果大家關係好,我係你業主我一定唔扣」

其他業主:今次幫租客

就算是本身正在收租的業主網民都認為今次是樓主的業主不合理:

  • 「梗係唔合理啦,我通常會比2個選擇,由租客自己㨂。1:租客自己搵師傅上來整返;2:業主去搵師傳整,張單比返租客,費用係按金扣。」
  • 「應是合理的使用和損耗,我之前的租客不洗抽氣扇年多,滿是油污,難道又可扣按金當清潔費?」
  • 「哩隻門我係唔會扣租客錢,最多都係扣$100,如果租客自己油返我一定唔扣,不過如果係柚木個隻門花左我會扣」
  • 「今次幫租客,如果單單係咁就2,000,唔合理。你買油返來油返佢。或者一人退一步,1,000蚊當好來好去。」
房門花整咗少少 被業主扣$2,000按金 租客揚言去小額錢債追討 網民:告到佢畀銀行call loan
極端意見:成隻門拆爛佢囉

極端意見:成隻門拆爛佢囉

此外,有些比較極端的網民就指,如果最後都一定要被業主扣錢,那不如直接把整道門弄壞:

  • 「扣二千蚊一隻門冇話合唔合理嘅,都扣咗錢,成隻門拆爛佢囉,反正你都賠咗錢」
  • 「如果你個業主一定要扣呢隻門2,000, 搵人打價換度新門幾多錢,我記得應該2,000左右OK嘅。跟著你攞走埋隻門打爛佢掉去垃圾站」
  • 「有啲師兄講得啱,二千蚊包乜嘢先?業主話換過隻門咁就當佢面同佢鑿爛隻門,咁二千蚊咪畀佢囉…反正都要畀佢扣。如果翻油,咁就唔駛2,000啦!」

小額錢債追到銀行call loan

有網民就力撐樓主去小額錢債追討,如果業主是非法出租,甚至要追到銀行call loan為止:

會去小額錢債審裁處追討
有網民指最終目的係要銀行call loan

「小額錢債追吧,告輸咗佢唔還,就申請佢破產,拍賣樓還債,最終目的係要銀行call loan,同埋有冇非法出租,到時候你攞返唔止2,000元呢個數。」

  • 「有時間就唔好怕去(小額錢債)呀,咁樣食二千唔係好合理。佢當咗佢隻木門係車門,發花咗少少要返噴」

但亦有網民好心提醒樓主,去小額錢債要用時間成本,而且不一定告得贏:「去小額追你蝕,因為你真係損害左佢既財產,係我就算數,時間就係金錢,冇左一日時間去上庭都唔止呢個數。」

大家又覺得誰是誰非呢?

延伸閱讀:31歲失業女 短炒股票贏到開巷 望日賺1,000元 最終目標執100萬買多層樓

延伸閱讀:德國男子靠比特幣大賺近2千萬後 捐出一半予政黨盼落禁令 阻其他人發達