死約期滿唔續租 業主擅自開門帶人睇樓 租客發火反被網民狂鬧!

死約期滿唔續租 業主擅自開門帶人睇樓 租客發火反被網民狂鬧!

香港上車難,不少人都會選擇租屋住,雖然租回來的單位不是屬於自己名下,但租約在手,就是屬於自己的私人地方。然而,近日有網民發文,指自己死約期滿,通知業主不續租後,業主竟然趁自己不在家時,擅自開門帶人睇樓!

撰文:經一編輯部| 圖片:香港討論區、Unsplash

接獲管理員通知始知單位被闖入

日前,有網民以「唔續租,業主自己開門比人睇樓,有冇得搞?」為題在香港討論區發文,指自己向遠房親戚租下現時的單位,四月剛剛轉生約,於是提早通知業主不續租。豈料樓主還未搬走,業主就在完全未有通知樓主的清況下,擅自開門帶人上單位睇樓!

樓主獲樓下管理員通知始知事件,於是檢查完家中有沒有財物損失之就打電話向業主發火,但業主不但沒有道歉,更指「大家一場親戚冇得計」,令樓主嬲爆,發帖詢問網民業主是否有權隨時帶人上租客正在租住的單位睇樓。

死約期滿唔續租 業主擅自開門帶人睇樓 租客發火反被網民狂鬧!
業主擅自開門帶人睇樓

網民:樓主唔換鎖戇X

帖文一出,網民意見竟然朝兩極方向發展,有大量網民「blame the victim」,指責樓主「咁蠢」不換瑣,是「抵死」及「戇X」:

「樓主咁蠢抵死, 有乜理由可以唔換鎖將自己屋企變冇掩雞籠?」

  • 「其實你自己住咁耐都唔換鎖,係自己onX。」
  • 「唔換鎖咁戇X仲要問有無得搞。」
  • 「點解你唔換鎖,痴線任由其他人入。」
  • 「正常一入住第一件事就係換鎖,點解你冇換鎖?點解業主有你屋企鑰匙?」
  • 「個業主固然離譜,但樓主都堅係笨。」
  • 「搬入去咁耐無換過鎖?即係上手租客都隨時開到你門。」

「我未聽過有人租樓唔換門鎖!最低限度換鎖膽!換咗對業主同租客都有保障!樓主呢個情況咪onX囉!業主帶生保人嚟睇樓唔出聲!如果樓主同老婆或女朋友X緊嘢咪比人睇曬?」

死約期滿唔續租 業主擅自開門帶人睇樓 租客發火反被網民狂鬧!
大量網民狂鬧樓主唔換鎖

網民:報警話有人入屋爆竊!

雖然樓主租屋沒有換鎖是抵鬧,但上述個案業主擅闖民居又的確太過份,因此亦有大量網民力撐樓主應該報警處理:

  • 「如果業主可以隨時入屋,租俾啲靚女咪好正。」
  • 「如果有嘢唔見可以報警。」
  • 「絕啲樓主可以報警話有人入屋爆竊。」
  • 「我認為可以報警。果度你交左租,就係你地方,佢唔可以無你同意情況下入你屋。」
  • 「佢已犯法,可報警,唔告佢都應備案,以免一星期後先發現唔見咗嘢,到時警察就會話你無即時報警!」

「份租約證明你係合法租用該處所,喺租約有效期內,喺法律上嗰度係屬於你嘅私人地方,任何人包括業主喺未經你同意之下進入,已經算係擅自闖入私人地方,係違法可以告得。」

今次的案例雖然道理在租客一方,但網民鬧樓主不換鎖的意見亦沒有錯,大家以後租屋記得要先換鎖!

延伸閱讀:兩公婆月入6萬 猶豫應否棄居屋換將軍澳私樓 網民:必換因為層次不同 VS 唔換可以去旅行

延伸閱讀:房門整花咗少少 被業主扣$2,000按金 租客揚言去小額錢債追討 網民:告到佢畀銀行call loan