理解自身優勢再落場 投資無分好壞只需用得其所

熱話

廣告

諗sir:

你好!

早年有幸接觸到諗sir的書籍,已閱讀諗sir所有著作,獲益良多,希望諗sir可指點迷津。

本人28歲,未婚,月入20,000元,2018年將加薪至25,000元。

明年完成實習後,預計月入40,000至50,000元。

現居大角咀樓齡43年單棟洋樓,以家人名義持有。

另本人持有大角咀樓齡42年小型屋苑一房洋樓,敍造八成按揭,年中以約340萬元買入,現銀行估價約370萬元,因工作關係未有「偷雞」放租,現基本空置。

其他資產包括美股交易所買賣基金(ETF)約40萬元;債基約20萬元;現金約70,000元。

因一些原因,不想打擾家人及家人的物業,現有高不成低不就之感。

以本人的背景和現有狀況,請問諗sir如要達至財務自由,短期和中、長線應如何部署?萬分感激。

忠實讀者上

諗sir回應:

慣了家人在財務上幫忙,他日就教不曉子女如何理財。

要似讀者學識自己搞掂唔打擾人、進一步要理解自身優勢後擇專而發展,自可免除「高不成低不就」之感。

明白不少人閱讀本欄後,都認為筆者在推廣債基,但其實筆者不時都有提供ETF、樓、直債、股票、保險作理財選項。

只不過身家100萬到500萬元而又有仔有女的,如何叫你將成副身家擺入股票呢?

至於直債門檻都要160萬元,遺憾是筆者能力低,只能招攬一批身家百萬的讀者,而千萬富翁可能有更叻的人材招待佢,所以唔使點吼直債。

故考慮靈活性及月月派息,叫你將錢放入債基已屬有點交待;至於叫你將錢買股票、倫敦金同比特幣的,真係要自求多福。

點都好,套用收息101課的投資觀,很多投資物本身無分好壞,問題是能否用得其所。

講返讀者,就係一個應該買股票的人。

當然買股前提係不應因買股而拖慢事業發展;另外,買股票10萬元就夠。

都係果句,方法好的話,10萬元開始炒都可以起家;若所用方法不對,放幾多錢都無用。

當然不少人買股係信number而無方法的,這造就了為何咁多公司求上市,因為水魚實在多。

ETF用來收息要打稅,七折收數,所以應是博賺價而不求穩的。

總括而言,讀者有約60萬至70萬元,可用一半買債基;另外25%買股票。

筆者未知讀者買了甚麼ETF,但初步看除了作對沖債基風險用途;否則,需要不大。

讀者已買一樓,借貸力簡單而言已借爆,唔使諗再買樓。

不過,都想問一句,買樓之前係咪可以再諗清楚點?唔使搞到依家間樓丟空,而自己無錢咁兩難。

丟空本身唔係問題,不過無錢地丟空,就真係唔應該。

空置樓最好搵屋企人住,咪丟空咁浪費。

試過有另一個讀者有類近情況,最終搵親戚及母親達成一項口頭租約,每月收返一萬幾千元,總好過丟空更蝕。

延伸閱讀:

40歲人工$39,000擁過千萬身家 點樣錢搵錢賺10厘回報

 理解自身優勢再落場 投資無分好壞只需用得其所

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!尤其美股當炒、加密貨幣新興起,經濟一週特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。