分享至
    準買家睇樓見頭暈 想知間屋有冇鬼 網民分享大量探靈方法:觀察支香係直線定飄散

    準買家睇樓見頭暈 想知間屋有冇鬼 網民分享大量探靈方法:觀察支香係直線定飄散

    香港人買樓前一般都會先上凶宅網和看看銀行能否承造按揭,從而判斷單位是否凶宅,然而,即使單位不是凶宅,亦不代表沒有「污糟嘢」,日前,有網民在討論區發文,指自己睇樓時見頭暈,請教網民睇樓時有沒有方法可以檢查間屋有無鬼。帖文一出,引來大批網民提供爆笑探靈方法!

    撰文:經一編輯部| 圖片:香港討論區、Unsplash

    樓主:凶宅計法多漏洞

    日前,有網民以「睇樓嗰時一入屋就暈暈地,點可以知間屋有冇鬼?」為題在香港討論區發文,指自己去睇樓前已經在凶宅網查過該單位不是凶宅,但認為凶宅計法多漏洞,自己親身睇樓時,一入門口就頭暈,但入到屋又無事,想知有無方法可以在睇樓時知道間屋有無鬼。

    準買家睇樓見頭暈 想知間屋有冇鬼 網民分享爆笑探靈方法:觀察支香係直線定飄散
    (圖片來源:香港討論區)

    科學派網民:空氣不流通

    貼文一出,引來多派網民激烈討論,科學派網民指出,頭暈的原因可能是因為無氧氣、甲醛含量過高、空氣不流通或者是受無線電波影響:

    • 「無氧氣。」
    • 「頭暈可能係因為甲醛含量過高⋯」
    • 「入到屋頭暈都係因為間屋耐無人住,廁所啲臭氣困咗好耐空氣唔流通所引,別無其他原因。」
    • 「點解冇人會諗到係無線電波問題?check下樓上樓下,隔離左右,有冇用咗嚟做安裝無線電話啲儀器及天線呀?」
    • 「科學解釋,室內空氣唔流通,積聚二氧化碳太多氧氣太少,吸入會令人頭暈。」

    直覺派網民:無鬼都唔好買

    直覺派網民就認為,無論有沒有鬼,只要入屋唔舒服就不應該買:

    • 「一入屋自己都唔舒服,無鬼都唔會買啦。」
    • 「有時直覺唔到你唔信,總之睇樓一入屋覺得周身唔舒服就諗到唔使諗,幾靚都無用。」
    • 「這情況,凶唔凶都是後話,重要是感覺不好,找另一間吧。」
    準買家睇樓見頭暈 想知間屋有冇鬼 網民分享爆笑探靈方法:觀察支香係直線定飄散
    (圖片來源:香港討論區)

    經驗派網民:覺得好邪

    另外亦有網民分享自身經歷:

    • 「我試過入一個單位睇,一入屋好陰沉。我個囡仲請自己走去深啲既位置,唔知點解我突然潛意識捉住佢叫佢唔好行。咁之後大家就同經紀一齊走,第二日個囡就發燒病左。當時唔係太覺得有問題,但事後就覺得好邪。」
    • 「試過樓主情況,間屋明明無野,入到去周身唔舒服,個心乸下乸下,睇完樓成個人都呆下呆下,番到屋企馬上搵碌柚葉沖涼。」
    • 「好多年前我曾經去過一個喺舊樓所謂佛堂,一入屋就覺得唔舒服,上樓直情勁頭痛!後來第二次上去先發覺原來入面有間房,全部都係供奉先人嘅牌位……」
    準買家睇樓見頭暈 想知間屋有冇鬼 網民分享爆笑探靈方法:觀察支香係直線定飄散
    (圖片來源:香港討論區)

    認真探靈派:觀察支香係直線定飄散

    講咁耐終於入正題!究竟點樣可以知道間屋有無鬼?認真探靈派的網民就紛紛分享探靈辦法:

    • 「有人話BB仔,細路仔或者狗狗係好敏感,不過你又無理由搵佢地去靈探。」
    • 「高人指點:首先將門窗關閉,在屋中央,插上清香一支,你就企埋一角唔好有動作,觀察支香上升D煙,如直線向上無左右飄散,好定的即無事,如果左右不定忽聚忽散,即代表有嘢搶食香中。D煙越亂散即越多朋友仔開餐中。」
    • 「叫所有人出去,然後自己一個係間屋 合上眼用心感受下,但願你不會搭通條線。」
    • 「試下講句:三七氣流一轉,試下有無野上身就知。」
    • 「最民間方法,睇樓想知有無野,入屋前閉眼,左腳先踏入,認真感覺一下先再踏埋右腳入屋,如果覺得唔舒服之類感覺就走得。第一關過左,入到屋可以四圍睇睇全部角位有無邊度有唔自然既暗或者特別陰,或者有無類似衣櫃既房,有,自己行入去,關門關窗,用打光機試試,個火勢會唔會有風,同埋火光係咪唔正常。」
    • 「其實唔難feel,企正大廳中間,feel 下室溫,如果企一陣覺得涼涼地,間屋9成有野。」
    • 「教多你一樣野,夜晚上去睇樓,用相機電話影相,影晒全屋,細心睇相入邊每一處,如果見到有光處,走得。」
    準買家睇樓見頭暈 想知間屋有冇鬼 網民分享爆笑探靈方法:觀察支香係直線定飄散
    (圖片來源:香港討論區)