【絕世筍工?】網民熱議大學畢業做保安的好處 巡兩次樓其餘時間做自己嘢 輕鬆賺1.5萬:何必咁辛苦

【絕世筍工?】網民熱議大學畢業做保安的好處 巡兩次樓其餘時間做自己嘢 輕鬆賺1.5萬:何必咁辛苦

職業無分貴賤,人人對筍工的定義都不同。最近,有人於討論區發帖文,指保安員絕對是一份筍工,人工高之餘,工作量不算多。此帖一出,引起熱議。雖然有人認同樓主的觀點,但有網民卻認為好工的定義是因人而異。

撰文:經一編輯部|圖片:Unsplash

保安員工作性價比高 輕鬆賺15,000元

有人於連登討論區開以「真心唔明做保安有咩問題」開post,力撐保安員是一份筍工,反對其他人對保安員的偏見。樓主表示,保安員的工作性價比十分高,每日巡兩次樓,每次約30層,由左邊樓梯打鐘打到右邊,然後巡下一層。整個巡樓過程約1小時。

他續指,現時擔任保安員月入約15,000元,工作量不算多,每日開工9個鐘。每次巡完樓,且完成自己的日常工作後,就可以做私事,不會有人理會。與侍應、快餐店店員等工種相比,保安員是一份筍工,收入且穩定。因此,樓主並不想再搵工,他表示反正人工並非相差太大,何必令自己太辛苦。

樓主指:「論人工15k算係唔錯,工作量又唔多,行下就完,之後做自己嘢沒人理,當然最好就唔好訓覺,要訓覺就自己搵位,例如天台之類,座頭就唔好啦。」

大學畢業做保安係份絕世筍工? 網民:每日巡兩次樓其餘時間做自己嘢 輕鬆賺5位數
樓主表示,每日只需巡樓兩次,工作量不算多但收入穩定。(圖片:政府新聞網)

樓主解釋,自己有大學學位,星期一至有份全職文員工作,月入約2萬元,連同保安員工作,每月收入約3.5萬元。他續指,早上番office,收工則擔當保安員,每天有3至4小時的睡眠時間。

「長夜(行內一種夜更的名稱)習慣咗其實無嘢,每日有三四個鐘訓覺,星期一至五收工我換件衫就可以去返office,office又hea ,收工急急腳走返屋企沖個沖訓陣覺又去做保安」

大學畢業做保安係份絕世筍工? 網民:每日巡兩次樓其餘時間做自己嘢 輕鬆賺5位數
圖片:Unsplash

網民:保安員有晉升空間又輕鬆 係一份筍工

樓主帖文一出,不少網民都認同樓主的意見,同意保安員是一份筍工。

有網民表示,保安員有晉升前景,可以升做IC(Person In Charge保安部主管),再升至隊長、保安主任,月入分分鐘達2萬元,前景算不俗。又有網民指,只要和住客打好關係,保安員的確是一份好工。

「過年過節又有利是,平時冧到啲住客,又有嘢食有生果,當識多幾個朋友都好呀。」

又有網民指,做保安員的收入雖然不多,但旨在輕鬆。

「我讀計算機(Computer Science)嘅,搵過120K。依家就想去做保安,搵12k。輕鬆自在……」

更有網民笑言自己有移民打算,會考慮擔任保安員度過剩下留港的日子。

「老實講,我準備緊移民都想做保安過埋依幾個月,拎埋部ipad去開工,日日玩訓食收工做gym一定好爽!」

大學畢業做保安係份絕世筍工? 網民:每日巡兩次樓其餘時間做自己嘢 輕鬆賺5位數
圖片:Unsplash

筍工定義因人而異 視乎個人對人生的追求?

雖然有不少網民都認為保安員的工作好筍,但同時有網民質疑保安員的人工、晉升階梯有限。更有網民反指,並非個個保安員的工作性質均與樓主一樣輕鬆。

甚至有網民反擊樓主,直言工作的好與壞全依個人要求而定。

「睇你人生想要啲咩,你唔鍾意人地對保安有偏見,人地都唔鍾意你對工作量多嘅工有偏見。」

大學畢業做保安係份絕世筍工? 網民:每日巡兩次樓其餘時間做自己嘢 輕鬆賺5位數
圖片:Unsplash