【網上熱話】私家車泊上行人路 俾網民另類「嘉許」

【網上熱話】私家車泊上行人路 俾網民另類「嘉許」

熱話

香港出名地少人多,經常發生人車爭路情況,不少司機為了貪方便,更泊上行人路,搞到行人無掟企。一輛自色私家車昨日違例停泊在大埔東昌街行人路,完全示範咩叫封死條行人路,有網民睇唔過眼在網上貼相,仲揶揄呢位司機泊車技術了得,在行人路上泊得咁準繩,「真係值得嘉許」。

有網民昨在Facebook群組「Tai Po 大埔」貼相,顯示該輛白色私家車泊上行人路,可以想像街坊要兜出馬路行。有留言認同樓主的說法,「又真係泊得幾靚喎」,並笑言「有冇兩蚊喺身」、「踩上去行」、「係車右邊同前面放個水泥柱再封死佢嘛」;另有網民建議「要十個龍友圍住狂閃架車」。
不少留言直指應報警,「(報稱)有私家車剷上行人路,司機自行離開現場」、「告(司機)不小心駕駛」。有街坊亦指該處違泊愈來愈過分,兩旁經常泊滿車,只餘一條線,「撞正紅燈,咁就塞死哂2邊車,再塞返入寶湖。」
 

資料來源:AM730

關鍵詞
網民熱話