網上熱話|匿名投訴竟遭受理 打工仔怨上司做法感心灰意冷

網上熱話|匿名投訴竟遭受理 打工仔怨上司做法感心灰意冷

辦公室內與同事有分歧,乃十常八九之事,但有以「和平主義者」自居的網民表示,多名上司都收到一封載有對事主指控的匿名投訴信,他形容「用詞直頭想置我於死地」,「初步了解封信都幾多不實內容,完全私怨,但係自問自己冇得罪過任何同事」,故在LIHKG討論區求教如何應對。
網民意見普遍都安慰事主毋須害怕,有人指若公司完全相信匿名、沒有真憑實據的投訴信而解僱員工,「咁既(嘅)老細同公司唔做都罷」,亦有留言認為除非上司也希望借題發揮解僱事主,否則「匿名既(嘅)真係唔使驚」、「無寫名0作用,除非你上頭想攪你好耐」有網民更憶述早前公司一名已婚男同事,遭其女友親自到工作地點「搵佢打交」,最終卻未有因事被解僱,反問「乜投訴有人理架咩?」

事主其後回應表示,打算就內容逐一有理據地向上司反駁,但只是不滿上司竟理會匿名的信件,坦言「因為封匿名信搵你照肺都好×心灰」。
他翌日與上司會面後,再在討論區更新情況,指對方雖明白撰寫人別有用心,但公司因「有紀律」而受理匿名信,「佢話appraisal(年度評核)有影響少少……老作封野(嘢)都可以搞到我,咁×痴線。」

資料來源:AM730

關鍵詞
網民熱話