網上熱話|新上司針對狂鬧被逼辭職 網民撐走:無料先要靠鬧立威

網上熱話|新上司針對狂鬧被逼辭職 網民撐走:無料先要靠鬧立威

經濟仍未正式轉好,失業率依然高企,有人為份工忍氣吞聲,亦有人不甘無理針對請辭。有人向社交專頁「奴工處」投稿指,早前人事變動換了新上司,被逼要求每日遞交「工作清單」,並設下兩個月的限期「唔得你就辭職啦」。投稿指,好辛苦挨過兩個月後仍未新上司針對,唯有遞信辭職,仍被對方照肺鬧足20分鐘,更被問「你唔爭取嘅」。

已轉新工的事主不明白要爭取甚麼,「係咪想我跪喺度舔你鞋底求你唔好炒我?」投稿獲不少網民支持,反指其上司要求遞交「工作清單」,「通常無乜料」,亦有批評指其上司沒有做好工作指引掌握部門運作,「所有嘢喺同事個腦,人一走即死」,反映其沒有能力帶領。有留言猜測,新上司並非真心想事主辭職,只是沒有實力「所以要靠狂鬧嚟建立威信」。

資料來源:AM730

關鍵詞
網民熱話