網上熱話|狗狗散步屢被阻排便 一停即被姐姐「喪扯」

網上熱話|狗狗散步屢被阻排便 一停即被姐姐「喪扯」

狗隻被帶到街上散步「放風」,可能是牠們每日最期待時光之一。有網民日前在何文田忠義街近何文田公園,發現有一隻狗正由外傭帶牠散步,惟多番嘗試停步排便不果,反遭外傭持續要求繼續前行,形容「個位姐姐繼續玩電話,隻狗一停就喪扯隻狗」,使牠被迫忍着不排便、「繼續行幾步俾(畀)人扯幾步」。
事主在網上發文,希望有認識狗主的人可轉告事件。有街坊指認得涉事狗狗,「呢隻狗狗係天鑄住喎,返工路過地(港)鐵站成日見到,呢個姐姐帶佢出黎(嚟)行街」、「成日都見到佢拖住狗狗坐係B出口玩電話,未見過佢行。」

有留言就認為若狗主真的愛惜寵物,就應該自己放狗,「真心錫隻狗就應該自己帶出街而唔係日日叫工人放狗啦!有眼見係條街又有幾多個工人真心會帶住隻狗又會理佢吖,唔係無但真係少,通常都係隻狗悶到發慌姐姐掛住同人打牙鉸同埋玩電話囉」。另有網民指難以評論對錯,但「分分鐘個工人都冇心做,博(搏)炒……如果因為呢件事加速了工人離開,導致僱主需要多洗幾萬蚊另覓工人。悲也!」

資料來源:AM730

關鍵詞
網民熱話