網民盤點同事5大「乞人憎」行為 每逢搭正就響鬧鐘又唔熄 都未係最癲?

網民盤點同事5大「乞人憎」行為 每逢搭正就響鬧鐘又唔熄 都未係最癲?

對打工仔來說,每個星期至少要返5日工,日日做足8個鐘。這種情況下,打工仔分分鐘見同事仲見得多過屋企人。如果身邊有班好同事,固然每日都可以開心返工,但世事難料,並非人人都能碰到好同事。早前,有人於網上討論區開post,分享最討厭同事的行為,瞬間引起熱議。

撰文:經一編輯部|圖片:Unsplash、freepik

日前,有網民於討論區發文,以「一人一個最討厭同事行為」為題,討論在職場上曾遇見最討厭同事的行為。以下,《經一》為讀者整理5大網民最討厭同事的行為,或會令讀者產生共鳴。

1. 亂較冷氣溫度

相信對好多打工仔來說,同事亂較冷氣機溫度,絕對會引起共鳴。有巴打留言表示,經常有同事將冷氣溫度調得太低。他指明明冷氣機溫度已經低至20度,仲凍過北極,但同事硬要將溫度較到最低的18度。有網民回覆巴打,表示自己都有相同遭遇,甚至想問「洗唔洗開到咁X凍?」

不過,有網民卻投訴同事將冷氣開得太熱,指同事鍾意將冷氣調較至25、26度,表示「開得凍你可以幫幫手著多件 ,我熱冇得再除 」。他形容自己的同事非常「反智」:

「佢地開到18度又識自己拎件外套黎著。我較返上21度佢地又話熱,但死都唔肯除外套。」

網民盤點5大同事「乞人憎」行為 無責任心唔算誇 無公德心又成日嘈住其他人先係最衰?網民:有啲真心接受唔到
圖片:Unsplash

2. 無責任心 要人幫手執手尾

打工仔每日返工已經好忙,最怕遇到一些「無交帶」的同事,結果反而要幫他們執手尾。

有網友指,同事經常「扮傻早走,啲嘢我執手尾」,又有人指同事雖然經常說「okok」,但最終交出的成品卻是一點「不ok」,是「一pat屎」。

網民盤點5大同事「乞人憎」行為 無責任心唔算誇 無公德心又成日嘈住其他人先係最衰?網民:有啲真心接受唔到
圖片:Unsplash

事實上,所謂的「無交帶」不單單限於工作表現上,有不少網民表示身邊的同事做人無手尾,尤其在一些小事上體現,例如:

  • 「食完飯將對油淋淋嘅筷子擺在枱面」
  • 「用完公司咖啡機唔清返啲膠囊殻,搞到部機jam住咗」
  • 「見到水機無水,就扮嘢唔換,到你開始換就成班喺後面等斟水」
網民盤點5大同事「乞人憎」行為 無責任心唔算誇 無公德心又成日嘈住其他人先係最衰?網民:有啲真心接受唔到
圖片:Unsplash

不少網民對上述同事曾做過的行為身同感受,紛紛表達不滿。

3. 發出噪音擾民

當打工仔正打算專心認真完成一項工作的時候,身邊卻出現嘈吵聲,是一件令人困擾的事。有網民指,同事「喺靜嘅工作空間,執嘢擺嘢都嘭嘭聲」,十分困擾。又有網民指,同事鍾意用鬧鐘

「每個鐘搭正12就響鬧鐘一次,有時仲要㩒延遲,9分鐘後再響。」

此外,亦有同事用公司電話傾公事會開擴音,網友表示根本無人想知道該同事的工作內容,更明言:「都唔知佢搏咩,示威好多嘢做?」。

有位網民分享身邊極品同事的奇葩行徑,包括:

  • 「成日自言自語,打email會逐個字讀出嚟」
  • 「無啦啦喺自己個位度嗌,例如講『痴線』、『哇』、『吓』等」
  • 「講電話勁大聲,成個office都聽到」
網民盤點5大同事「乞人憎」行為 無責任心唔算誇 無公德心又成日嘈住其他人先係最衰?網民:有啲真心接受唔到
圖片:Unsplash

網民越寫越激動,表示該同事還有其他極品行為,例如:

  • 「對住office嘅人就勁大聲勁冇禮貌,一對住其他department嘅人就變到勁溫柔勁細聲」
  • 「試過有次佢煮完個麵,擺咗喺pantry兩個幾鐘先食,我見到個麵發漲哂,真係好想嘔」
  • 「間中會開電腦個speaker播嘢」

有人回覆該網民,表示那位同事實在太恐怖,甚至有人講笑:「完全可以想像到你同呢位同事之間欲拒還迎漸行漸近如魚得水嘅愛恨磨擦火花。」

4. 埋堆、扮fd

不少人都話職場沒有真朋友,但為在辦公室內生存,總要「埋堆」。只不過,有網民反映最討厭「埋堆」、「扮fd」的人。有網友指,身邊總有一些「懶係fd」的同事。

「明知我冇嘢做玩緊電話走埋黎,喂好得閒喎,冇嘢做呀?明知琴日射波,走埋嚟,琴日放假呀?約聽日食lunch,你聽日會唔會唔番工架?好X乞人憎,啲大粒嘅細嘅就坐哂係隔離,聽住佢咁樣『講笑』,真係想兜巴煎落去。」

網民盤點5大同事「乞人憎」行為 無責任心唔算誇 無公德心又成日嘈住其他人先係最衰?網民:有啲真心接受唔到
圖片:Unsplash

5. 無公德心

引起最多打工仔熱議的,莫過於是同事去廁所無公德心。有網民表示,無論是男同事還是女同事,如廁時經常弄髒洗手間,成日「痾到周圍都係」。有人大罵,稱洗手間人人都有份用,不是街上的公廁。又有網民留言,直指商場洗手間分分鐘比辦公室的乾淨。

「真心唔係幾接受到,搞到依家如果忍到都忍到收工返屋企痾。難聽啲講句,分分鐘商場果個仲乾淨,keep住有人抺。」

網民盤點5大同事「乞人憎」行為 無責任心唔算誇 無公德心又成日嘈住其他人先係最衰?網民:有啲真心接受唔到
圖片:Unsplash