網民盤點職場最廢同事 手數Excel行數、用小畫家畫bar chart 資深同事要新人逐頁Print完再檢查 原因是甚麼?

網民盤點職場最廢同事 手數Excel行數、用小畫家畫bar chart 資深同事要新人逐頁Print完再檢查 原因是甚麼?

職場上優勝劣汰,若不努力上進,很容易會被人迎頭趕上,終被取代,但事實上,每間公司內總會有些「廢」的同事,他們或許能力不足,每日hea住返工,仍未被炒魷魚。日前,就有網民開post討論職場上曾遇見最廢的人,令不少網民感嘆,原來沒有最廢,只有更廢。

撰文:經一編輯部  | 圖片:Unsplash、freepik

早前,有網民於連登討論區以「職場上見過最廢嘅人係點?」為題,討論於職場上見過最廢的同事。

要求逐頁印 網民:神級揼波鐘

有網民表示,見過同事用奇葩的方法用Printer。他表示,當時第一日返工,要打印一份10幾頁的文件。結果有位工作20多年經驗的資深同事卻大聲「喝住佢」,並質問:「做咩一次過Print?」該名網民指自己「即刻黑人問號,心諗:What?」

後來,那位資深同事為他示範「逐版打印」的技術:

「選擇 page 1,然後打印 。等佢Print完,再選擇 page 2打印……如此類推,仲要Print完即刻埋去睇一睇有無問題。」

該網民表示,最後花了15分鐘的時間打印一份文件。有人留言質疑是否因為公司電腦容易「Jam紙」,所以那位同事才會「逐版打印」。

惟該網友指,公司打印機無問題,形容那位同事「有返咁上下年紀,佢比較難接受其他做法,包括連續打印功能,最慘係佢要所有人跟佢做法」。有人卻笑言,「Senior係唔同啲,教緊你神級揼波鐘」。

沒有最廢只有更廢?網民盤點辦公室廢柴同事 print嘢要逐頁印 要用小畫家畫bar chart?
圖片:freepik

有網民指,自己亦遇過類似的奇葩經歷,試過一份文件要打印20份,正常會使用連續打印的功能,惟有同事Print 20份文件要「㩒20次個制」;當事人亦有反問,如何得知自己打印的份數正確與否,那位同事卻回應指「一陣再數」。

沒有最廢只有更廢?網民盤點辦公室廢柴同事 print嘢要逐頁印 要用小畫家畫bar chart?
圖片:freepik

唔識用Excel整圖表

用小畫家畫圖表

有網民分享,曾有同事20年以來從未使用過Excel,直到有日老闆要求以棒形圖做報告,該同事居然使用小畫家畫圖表。他稱,老闆當時十分好奇為何該同事明明沒有太多工作,卻要OT,追問下才知道該同事用了三天時間畫圖表。

沒有最廢只有更廢?網民盤點辦公室廢柴同事 print嘢要逐頁印 要用小畫家畫bar chart?
圖片:Unsplash

人手數Excel行數

有網民則表示,同事不熟悉Excel,結果要人手數行數。

「用excel數個表有幾多row,佢用手指指住個mon一格一咁數,仲要數出聲1、2、3、4、5、6」

有不少人留言稱身邊有很多這類「原始人」同事,尤其是一些上年紀的人。有網民指,「好多可以㩒個制,再執下、debug 就搞掂嘅嘢,係要自己人手計人手入,然後錯漏百出」、「唔好話excel formula呢啲基本嘢,而家正常人都識基本programming」。

然而,亦有網民為這類同事平反:「咁又公平啲講,嗰個年代啲人又冇學過電腦,唔識或慢又可以理解嘅。」

沒有最廢只有更廢?網民盤點辦公室廢柴同事 print嘢要逐頁印 要用小畫家畫bar chart?
圖片:Excel截圖

解錯意思、講多過做?

除了另類用Printer方法、唔識用excel等,亦有網民分享,身邊有同事連「Block 3」、「WFH」都解錯,部分甚至講多過做,經常偷懶。

1. Block 3=3塊

別以為個個公司同事都知道公司地址。有網民分享自己曾有位同事在公司工作10多年,仍不知公司地址。他表示,寄信地址內有「Block 3」,那位同事不知道是「第三座」的意思,最後要用google translate查,結果以為是「3塊」。

沒有最廢只有更廢?網民盤點辦公室廢柴同事 print嘢要逐頁印 要用小畫家畫bar chart?
圖片:Unsplash

2. WFH都照返公司

受到新冠肺炎疫情影響,不少人都試過在家工作,Work From Home。有網民指,八號風球「落波」後,老闆要求同事wfh。結果有位同事表示自己就快翻到公司。網友追問下才得悉那位同事並不知道「wfh」是在家工作的意思。

3. 去一個鐘廁所兼食兩個鐘飯

事實上,職場有一些「講多過做」的同事,例如會拖慢每份工作的完成時間,或者找其他人幫手,變相自己「唔使做」。

「我同事每朝十點半同三點半都會去一個鐘廁所,食晏又食兩個鐘,做嘢份份嘢都有錯,唔識又唔問,可惜公司請人慢,炒咗佢嘅話會成兩三個月無人用,如果唔係一定炒佢。」

4. 望著漆黑的電腦Mon

以為只有「老屎忽」會偷懶,其實新人亦會。有網民分享自己見過最奇怪的公司新人。

「新人望住已熄咗既電腦mon 大半日,個個行過見到都覺古怪,之後有人忍唔住問佢做咩事要咁。佢答:『冇嘢做,所以熄咗佢慳電,冇嘢做所以望住。』」

最終,該新人3日後就被解僱。

沒有最廢只有更廢?網民盤點辦公室廢柴同事 print嘢要逐頁印 要用小畫家畫bar chart?
圖片:Unsplash

網民:最難頂的是「自以為醒但唔聽人講」的人

不少網民紛紛表示,「廢唔緊要,但個同事又廢又懶」,才是最大的問題。雖然有網民認為自己算最蠢的同事,卻有人指出,如果做人有自覺,不算太蠢,職場上「最難頂」的是那些「自以為醒但唔聽人講」的人。

延伸閱讀:散水餅送M&M、嘉頓什餅未算誇張 被「炒魷」應否派散水餅?網民:原來被炒都要多謝人?

延伸閱讀:沒有最落後 只有更落後?網民盤點「落後」公司 仲用緊14吋方形大牛龜電腦Mon、Windows 2000都未係最誇張?

關鍵詞
網民熱話