分享至
    網民稱新樓靚過酒店 睇唔慣啲舊樓:朋友住沙田第一城好似坐監

    網民稱新樓靚過酒店 睇唔慣啲舊樓:朋友住沙田第一城好似坐監

    大家買樓一定有面對過買一手樓好還是買二手樓好的問題,雖然兩者各有好處,但日前就有網民於討論區發文,指自己住慣新樓,看不慣舊樓,並列舉二手樓多項問題,更直指「朋友住沙田第一城好似坐監咁」,帖文引起熱議。

    撰文:經一編輯部| 圖片:香港討論區、Unsplash

    樓主:舊樓走廊殘舊似「一樓一」

    近日,有網民以「住慣新樓,一睇到舊樓就好唔慣」為題,在香港討論區發文,指現時的新樓盤主要用落地玻璃窗,採光度足夠,空間感較好及開陽,不會有好壓迫的感覺,此外,又可以在露台種花。

    然而,樓主最近到朋友位於沙田第一城的家作客,發現舊樓的窗好細,一進單位便見到四面牆,「好似坐監咁」,令人感覺不舒服,而且多橫樑及沒有露台,大堂及走廊殘舊如「一樓一」,對比之下,新樓大堂及走廊比五星級酒店更靚。

    網民住慣新樓 稱睇唔慣啲舊樓:住沙田第一城好似坐監咁
    網民住慣新樓,稱睇唔慣啲舊樓

    網民:新樓開放式廚房應叫「茶水間」

    帖文一出,雖然有零星網民支持樓主說法,認為新樓較好,但大比數網民都指新樓不實用、開放式廚房應該正名做「茶水間」:

    • 「而家啲新樓500呎兩房,但可以係open kitchen,將原本廚房既area轉哂落去Up, Bal(露台、工作平台)呢啲唔等駛既地方度。」
    • 「坦白講,新樓同舊比一定靚好多,但好搵笨,開放廚,環保露台,低實用,啲房放完牀想放其他都困難。」
    • 「樓主有無睇埋新樓和舊樓的實用性?點解舊樓300呎可以間到2房仲有廚廁分開,但新樓間到1房都算贏。」

    「新樓4、500百呎單位嗰啲所謂開放式廚房,應該正名做【茶水間】,仲要係蚊型茶水間,叫開放式廚房根本係偷換概念,幾千呎獨立屋嗰啲就真係開放式廚房嘞!黑廁加個茶水間嘅新樓,真係見到都唔開胃!」

    網民住慣新樓 稱睇唔慣啲舊樓:住沙田第一城好似坐監咁
    樓主認為住沙田第一城好似坐監咁

    網民:新樓總會變舊,十年換一次?

    又有網民指新樓會所大不代表生活有質素,問樓主當一家大細要選擇時,會選面積較細的新樓還是面積較大的舊樓,亦有網民反問樓主是否每十年換一次樓:

    • 「我係就住過新樓(租),之後買既都要買舊樓。舊樓就無質素?你既質素點樣定?新樓有大會所就有質素?屋苑個大會所姐姐去得多過你自己,就算你唔駛做你都未必會日日落去。」
    • 「新樓一梯十幾廿伙, 完全無私隱。」
    • 「一分錢一分貨,當你屋企開始有小朋友,又要請工人果時,你揀250呎開放式新樓,定380呎兩房舊樓?」
    • 「我(舊樓)畀2蚊一呎管理費,你(新樓)俾緊5蚊。呢條數我真係讀多兩個master都唔識計!」

    「新樓總有一日變舊樓,十年換一次?」

    看完樓主和網民的反應,大家又會怎樣選擇?

    延伸閱讀:晉環呎價3萬絕非開天殺價 「新香港人」為買樓面不改容付1,020萬印花稅

    延伸閱讀:居屋業主賣樓賺錢何罪之有?「專家」胡亂建議禁售 後果極恐怖!|1%Anthony