被解僱後想抖抖 不獲妻子諒解 網民:切忌用身邊人來比較|網民熱話

熱話

【解僱・網民熱話】最近,有網民在討論區發文指上司不滿意自己的表現,被勸辭職。年中要搵工不容易,加上樓主想在工作和生活之間抖抖,但一想起家中有負擔,又要供樓,想喘氣都難。

撰文:SmartED編輯部|圖片:電視截圖、unsplash

妻子豪洗30萬裝修費

樓主指收到通知時,感覺如釋重負,甚至笑住打電話給老婆,指自己第一次被解僱。但妻子似乎不諒解,要樓主向舊同事幫手搵工, 或者問公司可否轉部門。

其後樓主更抱怨指,妻子在父母飯局中提及樓主被炒一事,更問樓主介不介意提及,令樓主怒氣沖沖。

其妻子甚至不顧樓主還沒有找到新工,想用30萬來裝修家中,樓主指已經是全年的收入,破費又需時,而且需要搬到短租屋,或是外家暫住,令樓主十分「頭痕」。

網民:送舊迎新

樓主夾在生活和妻子之間,難得有機會可以放大假與兒子相處多點,但又怕妻子不滿意和年中搵不到新工。

但一眾網民支持樓主送舊迎新,亦有人認同樓主要讓自己放假休息:

「點解工作要佔每日大部份時間。搞到成個人生,都唔知為乜,大部份人都唔開心。」

「我都覺得唔洗咁急搵工住!當比個機會自己放下假囉,小朋友好快大,唔好錯過咁重要童年啊。」

「努力兄弟,好好調節心理,人生最重要嘅係健康。切記唔開心呢樣野好閒,比人炒唔開心好正常。」

「送給樓主忠言:做事要努力,但做人更加是生存的大學問,挫折常常都有,克服了再展翅吧。」

樓主擔心手停口停

不過,香港地打工仔壓力大,樓主亦表示「手停口停」,不少網民亦屬現實派,金錢就是最大的考慮點。

「香港人生活指數好高,壓力好大,打工又受氣,超辛苦,冇左又唔得,唔知點生活。工又難揾,又被人壓價。」

「呢度生活壓力已經大到爆,但一般要為錢生活既普羅大眾永遠無法改變現實。」

也有網民表示樓主不用過分介意妻子的說話:

「佢女人仔見識唔多,唔好太上心,切忌用身邊人來比較,始終事業成就係自己嘅,家人只係享用緊事業得嚟嘅副產品:收入。」