買樓最緊要地段!網民獻計:一個簡單方法由新界西「升呢」做港島人!

買樓最緊要地段!網民獻計:一個簡單方法由新界西「升呢」做港島人!

香港樓價高企,要上車已經難,如果要追求「Location」就更加難。不過,日前就有網民於討論區發文,講出只需一個簡單方法,就可以輕鬆由新界西搬到港島傳統豪宅太古城。帖文一出,引起網民兩極討論。

撰文:經一編輯部|圖片:香港討論區、am730、Unsplash

樓主:賣柏傲灣換太古城

日前,有網民於香港討論區以「簡單方法由荃西人升呢做港島人」為題發文,指出只需以1,000萬元賣走位於荃灣西的柏傲灣兩房單位,之後再用900萬元買一間太古城鄱陽閣的兩房單位,不但單位面積變大,還有100萬元差價落袋。

買樓最緊要地段!網民獻計:一個簡單方法由新界西「升呢」做港島人!
網民獻計:一個簡單方法升呢做港島人

網民:地段升級、鄰居升級、身份升級

帖文一出,引起網民兩極討論。部分人認為太古城地段好,鄰居質素較高,與荃灣西不同級數,而且不用對著一條臭河,甚至笑指太古城的大堂散發英式簡約優雅。

  • 「地段升級、鄰居升級、身份升級」
  • 「Location location location 」
  • 「港島多外國人居住,質素都高d」
  • 「太古城起碼唔使對住條臭河先」
  • 「太古城的大堂,散發著英式的簡約優雅,高貴而不流於俗氣,是英資太古集團的顛覆之作

「一個地段價格既高低都係客觀事實,就算荃西升值多左,都只係英乙升上英甲,而太古本身就係英超水平 」

買樓最緊要地段!網民獻計:一個方法由新界西「升呢」做港島人!
樓主建議用1,000萬元賣走位於荃灣西的柏傲灣兩房單位

用新樓換幾十年舊樓真係值?

雖然不少人認為太古城地段較高級,但有不少網民卻認為該屋苑樓齡太舊,而且樓底矮、無露台,不值得以新樓換舊樓;有人反指荃西才是年輕成功人仕的象徵;亦有人笑指柏傲灣搬去柏傲山才叫做升級。

「太古城有乜地段身份可言?貪佢夠舊?樓底矮?似老人院?反而荃西,已被成為新界年輕成功人仕的象徵,令人羨慕」

  • 「住間40年舊樓?質數下跌得好緊要喎,樓底矮、無露台,景觀差,附近配套差,成陣老人除。我寧願住元朗,都唔住依D四十幾五十年舊樓啦!」
  • 「有同事住太古城,去過幾次,撞口撞面都係老人家,真係成陣老人除」
  • 「柏傲灣搬去柏傲山,都叫做有啲升級,去太古城?真係太舊喇」
  • 「唔覺港島有咩好,又迫又舊,樓底又矮。我住元朗,日日望住個南生圍重舒服!」
買樓最緊要地段!網民獻計:一個方法由新界西「升呢」做港島人!
網民認為太古城太舊

整個香港都一樣 換區多此一舉?

雖然荃灣西新樓與太古城各有粉絲,但亦有人認為整個香港都是福地,有人更指荃灣西及太古城兩個地方都不是很高級,質疑為何要多此一舉換樓。

  • 「荃西丶同太古城都冇卡士,攪咁多野做乜」
  • 「我都唔明點解會有人覺得住某啲區會cheap啲,香港好大咩?」

「為何要做港島人?咁又唔通移民就真係高貴啲?成個香港都係福地」

柏傲灣換太古城難以同價搬大屋

翻查資料,柏傲灣2018年4月開始入伙,至今樓齡約3年,根據中原地產數據,3月26日最新成交,535呎單位成交價950萬元。

而太古城鄱陽閣樓齡43年,3月16日最新成交,583呎單位賣995萬;而3月19日的成交,489呎單位則賣920萬。

看來樓主「面積變大,還有100萬元差價落袋」這個幻想難以落成,如果想將Location由荃灣西轉去太古城鄱陽閣,除非樓主現有的柏傲灣單位坐向一流兼是高層單位,否則只能選擇補錢或住細啲。

延伸閱讀:「新香港人」偷步入市撐樓價 通關後愈升愈有!1%內地富戶可消化2年新供應|布少明