大伏工!返工被沒收電話 「快啲轉工 唔好浪費太多時間」|網民熱話

熱話

返工網民熱話】有打工仔在討論區指,自己「做緊一份大伏工」,上班會被沒收電話,想辭職但怕找不到工作……

撰文:亨利 | 圖片:電視截圖、unsplash

【返工】樓主:到抵(底)我辭唔辭職好!

伏位1

・Send email出去俾街外人,一定要俾老闆approve先send得。

伏位2

・返工要收電話,lunch time都無得拎,要放工先可以拎,話驚涉露公司機密。

伏位3

・Probation要半年,但原來好多員工做左10個月都未過,而家仲不停將唔係我既工作塞俾我做,第二個月就要兩個月notice period。

伏位4

・雪櫃微波爐都無。

樓主表示自己「做緊一份大伏工」,「越做越feel到伏味濃」,正在考慮要不要辭職,但自己沒有咩技,怕很難找到工作。

【返工】網民:沒收電話是大忌 應即辭職

網民認為見到沒收電話這一項,就可以馬上辭工!

很多網民都支持樓主即走,「返份咁嘅工容乜易連人生都無埋,支持你轉工」、「轉工啦,你都數左咁多唔好嘅嘢出黎」、「走啦,趁個市仲多工搵」。

有網民提醒樓主快樂比金錢更重要,「伏工就走」、「冇人生自由既工, 吾會做」、「快啲遞信啦,自由無價」。

亦網民認為樓主不應該再浪費時間,「覺得唔對路最好快啲轉,唔好浪費太多時間」、「唔走等咩?」。

亦有網民建議樓主要保險一點,要先找到新工作才可以辭職,「做住先搵到工先走,唔好咁衝動」。

有網民笑指「你唔好辭職呀,你連到底個底字都寫錯,出到去好難再有人請你㗎」。