【隔山買牛中伏】日本樓換熱水爐索價2.1萬港元 引發網民激辯回報率:好嘅邊輪到你

【隔山買牛中伏】日本樓換熱水爐索價2.1萬港元 引發網民激辯回報率:好嘅邊輪到你

香港樓價貴,上到車已經好難,如果想買多間投資收租,不少港人都會選擇海外物業,當中日本樓早年就大受歡迎。不過,近日有網民在討論區上大呻,指他所投資的日本樓熱水爐壞了,租務代理索價30萬日圓(約2.1萬港元)。帖文一出,除了有人同情樓主遭遇並指「隔山買牛預咗畀人劏」之外,更意外引來大量網民討論日本樓是否真的有高回報。

撰文:經一編輯部| 圖片:香港討論區、Unsplash

樓主有感被當傻仔

日前,有網民以「買日本樓收租,換個熱水爐都要30萬yen」為題,在香港討論區發文,指「熱水爐壞咗,agent話買個新嘅連安裝要30萬yen( = 2.1萬hkd), 嘔血」,其後更補充,表示上網見到同一型號連安裝便宜一半,有感自己被當傻仔。

日本樓換熱水爐要30萬日圓 網民:隔山買牛預咗畀人劏
日本樓換熱水爐要30萬日圓 網民:隔山買牛預咗畀人劏

網民:隔山買牛預咗畀人劏

帖文一出,很多網民都同情樓主,認為可以維修而非換新熱水爐,但在疫情之下,不能親自到日本處理租客問題,要依賴租務代理;亦有人指隔山買牛便應該要預計被開天殺價:

  • 「為何不維修?日本用品絕大多數品牌都可以維修的。」
  • 「隔山買牛梗係俾人劏。換著日本人來香港買樓收租,你係經紀你都會報大數。」
  • 「2萬蚊真貴,冇計,疫情不能過去自己搞,唔係包埋旅費都夠。」
日本樓換熱水爐要30萬日圓 網民:隔山買牛預咗畀人劏
日本樓換熱水爐要30萬日圓 網民:隔山買牛預咗畀人劏

投資日本樓回報真係高?

此外,由於有網民揶揄樓主「日本樓收租7-9%回報,只係2萬小事啦」,帖文意外引來大批網民討論投資日本樓是否真的有早年代理所說的高回報:

  • 「ha ha之前日本樓熱伏左好多人」
  • 「(回報)真係有7-9%嘅話,點解日本人自己唔仆去買?等外國人買嚟收租?識少少計數都知唔合理啦。」
  • 「七除八扣,實際3厘。而且冇二手市場 ,香港人仲冇得揭按。」
  • 「大把稅未計,仲有將來日本樓好難好難甩。」
  • 「成日吉租,租客一退租,吉屋就倒貼,執一執又係錢,搵新租客又係錢,扣扣埋埋2-3%已經偷笑。」

「係疫情前仲吹到日本民宿有成十幾%回報,但真正嘅日本人鍾意買日本嘅國債退休,日本嘅國債1%都冇,自己諗下,好嘅仲唔畀日本人買曬咩,邊輪到你。」

日本樓換熱水爐要30萬日圓 網民:隔山買牛預咗畀人劏
日本樓換熱水爐要30萬日圓 網民:隔山買牛預咗畀人劏

有人貼圖力證1,300萬日圓袋袋平安

不過,亦有網民力撐買日本樓的確有高回報,但關鍵是要懂得選擇,有網民更不惜貼圖,以免被懷疑是代理吹奏:

  • 「我2016及2017先後買了2層連租約日本東京樓,分別係中目黑及大森,共用約200萬,而家扣除所有雜費,每月有$9,500剩落袋。以出租計算好高回報,無諗住賣。不過買日本樓都好多學問,想買要自己做多啲功課。」
  • 「我8%淨回報,已經差不多收左4年租,租客一期都無miss過,一日都無。都係呢一句,唔好買D港幣幾十萬嘅劏房,唔好買共管式物業,要買就一棟棟咁買,位置好,一定唔憂無人租,一定唔憂無人買。」

「我純粹投資啫。Rental agent 收我5%管理費。費事比人話我吹水,以下兩棟加埋 2.02億 yen。近一年,真金白銀匯入我香港賬戶 1,300萬 yen。公司交完稅之後仲有錢剩,但係幾多我無理,租務代理搞。咁你相信我未?我唔係AA,買外國樓請唔好搵我。」

有人貼圖力證淨袋8%
有人貼圖力證1,300萬日圓袋袋平安
有人貼圖力證淨袋8%
有人貼圖力證1,300萬日圓袋袋平安
有人貼圖力證淨袋8%
有人貼圖力證1,300萬日圓袋袋平安
有人貼圖力證淨袋8%
有人貼圖力證1,300萬日圓袋袋平安

關鍵詞
網民熱話