家用

家用大戰|阿仔帶女友返屋企黐飲黐食 父母呻拒畀8,000蚊家用幫補

理財

廣告

「畀唔畀家用好?」、「要畀幾多家用先夠?」相信是不少踏入職場的打工仔要思考的問題。無論哪個家庭背景,萬一畀家用處理不當,隨時可釀成難以想像的家庭大戰。

安心出行紅黃碼懶人包家用中位數

兒子月入3萬 拒畀8000元家用

「畀家用是否天經地義?」這個問題一直困擾不少年輕人,亦有父母因月入3萬的兒子拒8,000元家用,繼而在討論區大吐苦水。

樓主透露,自己一家四口,細仔一直在外地生活,現時夫妻二人跟與大仔和其女友同住一室。

樓主認為,目前家庭的生活壓力主要源自供樓,每月供款約10,000元,家中水電煤、上網、雜費、差餉、地租和管理費全由自己負責,每天晚餐亦會在家中煮食。

家用
(圖片來源:[email protected]

大仔:刻薄父母 想榨乾晒我啲錢

樓主指,跟自己同住的大仔每月收入約30,000元,曾要求大仔每月上緻8,000元作為家用,幫補家中日常開支,惟大兒子對此要求極為反感:「大仔話咁樣做非常刻薄、自私,想榨乾晒佢啲錢。」

樓主解釋,8,000元家用是按每月家庭基本開支16,000元去計算,現在要求大仔每月畀8000元,希望可幫忙分擔一半開支。

誰知大仔竟以「層樓不屬於自己」,認為自己無責任幫手供樓,斷言拒絕父母要求,「我叫佢畀6,000元,當交租每晚唔煮飯。佢覺得貴,話出面租房好平。」

看見大仔有如此反應,樓主亦不禁問:「我都想知咁樣要求,係咪真係好刻薄?係咪太過份?」

家用
(圖片來源:[email protected] clark)

網民:8000蚊根本唔係叫家用

有網民為樓主抱不平,認為8000元家用要求已經好低,又以市面上難以找到低於8000元的租盤核比較,父母還要「包食包住」,已遠遠低於成本價。

  • 「出面租房好平?叫佢出去自己租囉。8000蚊全包抵到爛啦!」
  • 「咁咪由得佢出去住囉,幾千蚊包食包住仲投訴,仲有父母幫你做家務洗衫執屋,已經冇計你女朋友嗰份。」
  • 「呢$8000根本唔係叫家用,而係個外人即係大仔嘅女朋友,食人地住人地要俾嘅基本開支。今次父母收8000元合情合理,係個仔同女朋友發窮惡。」
  • 「外國唔畀家用係因為自給自足,你痴屋企梗係要畀返。」

垃圾家庭先要比家用

不過,亦有網民認為家用只是港人的養兒防老觀念下的「陋習」,反觀外地父母仍然會貼錢資助成年子女的開支。 而且家用只是心意,父母不能強求子女畀家用。

  • 「仔女最青春最黃金最需要錢嘅時候,你透支咗佢,搞到佢創唔到業、無得成家立室,即使父母百年歸老嗰陣,你都已經5、60歲,退休咁濟,多層樓已經無用,人生已成定局。」
  • 「心意啫,得香港先有強制性家用。大陸直頭貼埋錢畀你買樓;日本唔做啃老族、問你拎錢都偷笑。」

同時有網民提醒,兒子應該考慮父母會否將物業留給自己,再決定是否交足8000元家用。

  • 「層樓係唔係最後會留畀佢先?係嘅又唔怕供。」
家用
(圖片來源:[email protected] kim)

不滿家用太少 婦人救生圈跳海

家用問題如果處理不當,隨時可釀成「家庭大戰」。

近日就有本地媒體報導,一名醉酒的中年婦女涉嫌不滿子女「畀唔足」家用,在青衣碼頭與家人發生爭執時,她用救生圈跳入海中,隨後在近海位置隨水流漂浮約100米處。幸得兒子報警求助。婦人獲救後清醒送院。

亦有網民自創「家用計算表」,以自己跟父母的生活細節來衡量每月家用多少:

「家用表」計算法
由細到大都給予足夠零用錢,放學有得買下M記(麥當勞)。 $1,000
除了會在你身上花必要開支,父母還願意付出額外費用,如報興趣班、課外活動、參加exchange交流團等。 $1,000
每逢過年,「新衫新鞋走唔甩」,平日亦會送禮物給你。 $1,000
小時候的利是錢到長大後能取回,父母冇落格。 $1,000
讀大學幫你出學費,即使有返part time(兼職),父母仍會關心問「夠唔夠錢洗」,唔洗你掛住返工無哂u life(大學生活)。 $1,000
如果由細到大,父母都通情達理,唔會吓吓同你講錢,彼此關係良好。 $1,000

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!尤其美股當炒、加密貨幣新興起,經濟一週特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。