分享至

    後生仔想搬出來住 但又想有儲蓄

    Anthony Sir:

    你好!

    本人想搬離家人擁有自己的私人空間,但人工唔高,僅僅夠開支,搬出來又儲唔到錢,請閣下分享一下,又想有私人空間,又想儲錢,可以點做呢?

    讀者Eddie Kwok

    首先,搬出去住其實係咪必要呢?

    年青人總嚮往私人空間,但要有私人空間,是有代價的。

    樓價租金高企,劏房月租要5,000至6,000元,餐餐出街食,水、電、煤及寬頻上網樣樣都要錢。

    所謂一闊三大,每個月隨時多花近10,000元,如果每個月儲10,000元;加上些少投資回報,三年就夠首期上車,是否值得忍耐一吓?

    其次,如果真係要搬,應該點搬呢?

    筆者建議兩大方向,一是近屋企;一是近上班。

    近上班兩大目的,第一,香港交通費其實好貴,港鐵一頭一尾隨時要花逾20元,一來一回就花了50元,每月逾1,000元。

    如果近公司,可以行路返工,唔只慳錢,還可以多睡兩小時。

    資源共享

    第二,慳到時間,最好用來接freelance,筆者以前在TVB做創作,夥拍同事不斷接job,少則幾千元,多則多過正職份糧。

    現今網絡世界,相信搵兼職仲易,兼職收入我會全數儲起,每年儲多十萬八萬元。

    近屋企最大目的,是資源共享。

    筆者不建議cut家用,家人相處融洽最重要,但可以資源共享,例如每晚回家吃飯,每星期有幾日帶飯返工,以50元一餐計,每日慳100元,一個月慳逾2,000元。

    除吃飯外,生活雜項也可共享,例如買廁紙,超市通常兩條50、60元,有排都用唔晒,返開屋企搵兩卷,相熟老爸老媽唔會介意。

    想要私人空間

    如果不是必要搬出,但又想有私人空間,其實重有計。

    例如,你可考慮跟朋友共居,例如有同事打算搬出來,又或者已搬出來,同時又感到支出大,有點吃力,你可以跟他分租一個細房,應該可平些少,3,000、4,000元應該有交易,好過住劏房。

    又例如,原來沒必要日日私人空間,純粹間中有個地方靜一靜,可以考慮日租本地賓館或深圳酒店。

    多年前筆者試過有段時間,女友在內地工作,每星期有兩天在深圳見面拍拖,每天300、400元有交易,每星期兩天計,每月3,000元,仲平過劏房。

    內地消費食飯又比香港平,又可以遠離平日工作環境,這個預算,又可以在深圳租一個細單位,每星期兩、三日北上渡假,感覺不錯。
    至於儲錢,筆者覺得太刻苦生活沒意思。

    最重要是精明消費,同一個預算,是否有更好的選擇?

    或者同一個享受,是否有更便宜的選擇?

    例如買衫購物,淘寶有無?又例如娛樂消費應酬,那些可以唔去?

    不過,最重要都係接個freelance,隨時一個job賺的錢,已多過死慳死抵去儲錢啦。

    還可以學習炒股,投資房地產投資信託基金(REIT)等,銀碼細細都玩得。

    延伸閱讀:

    致特首…激活二手供應,刻不容緩!

    細價樓優勢不再 有貨要沽?


    關鍵詞
    儲蓄